Սահմանադրական փոփոխությունների դեմ պայքարողների ճանապարհը փակել են ցեմենտի պարկերով
Երեկ սահմանադրական փոփոխությունների դեմ պայքարող «Նոր Հայաստան» շարժման մասնակիցների քարոզարշավը Քարակերտ գյուղում խոչընդոտների է հանդիպել։ Այս մասին այսօր լրագրողներին հայտնել է շարժման անդամ Սյուզան Սիմոնյանը։ Նա ասել է, որ գյուղ մտնող ճանապահն ամբողջովին փակված էր ցեմենտի պարկերով, և քարոզարշավի մասնակիցները ստիպված էին քայլել դեպի գյուղ։
«Գյուղում էլ մենք տեսանք, որ մշակույթի տունն ապօրինի կերպով զավթվել էր «Այո»-ի բանակի կողմից», - պատմել է Սյուզան Սիմոնյանը։
Շտաբի անդամն ասել է, որ նման քայլերով ռեժիմն ապացուցում է, որ պատրաստ չէ լեգիտիմ հանրաքվե անցկացնել։
Քարոզարշավը խոչընդոտելու մասին «Նոր Հայաստան» շարժումն այսօր հայտնել է Հայաստանում հավատարմագրված 12 միջազգային կառույցների:
