Home / Առողջապահություն / Պետպատվերի ընդլայնում, վիրահատությունների փոխհատուցում, պայմանների բարելավում․ ԱՆ նոր նախագծերը

Պետպատվերի ընդլայնում, վիրահատությունների փոխհատուցում, պայմանների բարելավում․ ԱՆ նոր նախագծերը

Պետական բյուջեի եկամուտների ավելացման հաշվին կառավարության կողմից Առողջապահության նախարարությանը տրամադրվող գումարները կավելանան 12 մլրդ․ դրամով, ինչի շնորհիվ կիրականացվի առողջապահության ոլորտի առավել հրատապություն և կարևորություն ունեցող մի շարք ծրագրերի ընդլայնում։

Մասնավորապես՝

– 0-18 տարեկան երեխաների հիվանդանոցային բուժօգնությունը կդառնա անվճար

– 1-ին և 2-րդ խմբի հաշմանդամները, ժամկետային զինծառայողների ընտանիքի անդամները և հատուկ խմբերում ընդգրկված այլ քաղաքացիների բուժօգնության փաթեթն կընդլայնվի` ընդգրկելով սրտի վիրահատական ծառայություններն ու նորագույն թանկարժեք այլ տեխնոլոգիաներով կատարվող բժշկական ծառայությունները:

Առողջապահության նախարարությունը ֆեյսբուքի իր էջում հակիրճ ներկայացրել է հավելյալ 12 մլրդ դրամ հատկացումների բաշխման կառուցվածքը․

– 5.1 մլրդ դրամ՝ «Սոցիալապես անապահով և հատուկ խմբերում ընդգրկվածների բժշկական օգնության իրականացում» ծրագրին:

– 1.75 մլրդ դրամ՝ «Երեխաների բժշկական օգնության ծառայություններ» ծրագրում նախատեսվում է 0-18 տարեկան երեխաների հիվանդանոցային բժշկական օգնությունն ու սպասարկումն ամբողջությամբ իրականացնել պետական պատվերի շրջանակներում:

– 1.2 մլրդ դրամ ՝«Անհետաձգելի բժշկական օգնության ծառայություններ» ծրագրում պլանավորվում է փոխհատուցել անհետաձգելի վիրահատությունների, այդ թվում` կյանք փրկող սրտի անհետաձգելի վիրահատությունների (Stent for life), գլխուղեղի սուր և ենթասուր իշեմիկ բուժմանը։

– 900 մլն դրամ՝ «Ուռուցքաբանական և արյունաբանական հիվանդությունների բժշկական օգնության ծառայություններ» ծրագրին։

– 500 մլն դրամ՝ «Շտապ բժշկական օգնություն» ծրագրին։

– 2 մլրդ դրամ՝ «Սուրբ Աստվածամայր» ԲԿ մանկական նյարդավիրաբուժական և «Սուրբ Գրիգոր Լուսավորիչ» ԲԿ նյարդավիրաբուժական բաժանմունքների հագեցմանը գերժամանակակից սարքավորումներով։

– 120 մլն դրամ ՀՀ ԱՆ «Մարդասիրական օգնության հանրապետական կենտրոն» ՊՈԱԿ-ի շենքային պայմանների համապատասխանեցում միջազգային GDP ստանդարտներին։

– 450 մլն դրամ՝ նախագծանախահաշվային փաստաթղթերի կազմում թվով 10 բժշկական կենտրոնների վերակառուցման, 1 բժշկական կենտրոնի վերանորոգման, 3 բժշկական կենտրոնների մասնակի վերանորոգման, 2 բժշկական կենտրոնի կառուցման համար։

Tekali Taxi