Home / Բանակ / Վարաչապետն առաջարկում է պաշտոնից ազատել ԱԱԾ տնօրենին, ԶՈՒ ԳՇ պետին և ոստիկանապետին

Վարաչապետն առաջարկում է պաշտոնից ազատել ԱԱԾ տնօրենին, ԶՈՒ ԳՇ պետին և ոստիկանապետին

Նախագահ Արմեն Սարգսյանի աշխատակազմը ստացել է վարչապետ Նիկոլ Փաշինյանի առաջակությունը` պաշտոնից ազատել Զինված ուժերի Գլխավոր շտաբի պետ Արտակ Դավթյանին, Ազգային անվտանգության ծառայության տնօրեն Էդուրադ Մարտիրոսյանին և ոստիկանապետ Արման Սարգսյանին։ Տեղեկությունը հաստատել է նախագահի լրատվական ծառայությունը։

ԱԱԾ տնօրենին, ԶՈՒ ԳՇ պետին և ոստիկանապետին պաշտոնից ազատելու առաջարկությունը, ըստ ամենայնի, պայմանավորված է երեկ տեղի ունեցած հարսանյաց արարողությամբ․ համավարակային ճգնաժամի, վարչապետ Նիկոլ Փաշինյանի նախաձեռնած՝ «Հանրային վերահսկողության ֆլեշմոբի» ֆոնին Զինված ուժերի գլխավոր շտաբի պետ, գեներալ-լեյտենանտ Արտակ Դավթյանը ամուսնացնում էր իր որդում․ երեկ տեղի ունեցած հարսանիքին, ըստ շրջանառվող տեղեկությունների, ներկա էր նվազագույնը 100 հոգի, այդ թվում՝ մի շարք պետական պաշտոնյաներ։ Գեներալ-լեյտենանտն այսօր հանդես էր եկել պարզաբանմանբ՝ կարծիք հայտնելով, թե համավարակի պիկին 100 հոգանոց հարսանիք կազմակերպելը կանոնների խախտում չէ, և կոչ անելով չմտնել իր և իր ընտանիքի անձնական տարածք։ Ավելի մանրամասն՝ այստեղ։

Արտակ Դավթյանը Զինված ուժերի Գլխավոր շտաբի պետ էր նշանակվել  2018 թվականի մայիսի 24-ին, մինչ այդ զբաղեցնում էր 5-րդ բանակային զորամիավորման հրամանատարն էր:
Էդուրադ Մարտիրոսյանը 2019 թվականի սեպտեմբերին՝ Արթուր Վանեցյանի հրաժարականից հետո, նշանակվել էր ԱԱԾ տնօրենի պաշտոնակատար, իսկ 2020 թվականի մարտի 19-ին՝ ԱԱԾ տնօրեն։ Արման Սարգսյանը նույնպես ոստիկանապետի պաշտոնակատար էր նշանակվել 2019 թվականի սեպտեմբերին՝ Վալերի Օսիպյանի հրաժարականից հետո, իսկ 2020-ի մարտի 19-ին նշանակվել էր ոստիկանապետ։
Tekali Taxi