Home / Բանակ / Եռամսյա նոր վարժահավաքները տեղի կունենան սեպտեմբերի 15-ից դեկտեմբերի 15-ը

Եռամսյա նոր վարժահավաքները տեղի կունենան սեպտեմբերի 15-ից դեկտեմբերի 15-ը

Վարժական հավաքների երկրորդ փուլին կմասնակցի 869 պահեստազորայինի։ Որոշումն ընդունվել է կառավարության այսօրվա նիստում։

Եռամսյա հերթական զորահավաքը տեղի կունենա սեպտեմբերի 15-ից դեկտեմբերի 15-ը․ ՊՆ-ի կողմից վարժահավաքներում ներգրավված 869 քաղաքացիներից 576-ը կլինեն շարքային, 107-ը` ենթասպայական, 186-ը` սպայական կազմի պահեստազորայիններ։

Հայաստանի ռազմական գերատեսչության հիմնավորմամբ՝  հավաքների նպատակը «պահեստազորի ռազմական ունակությունների կատարելագործումն է, մասնագիտական վերապատրաստումն է»։

Հիշեցնենք՝ օգոստոսի 25-ից մեկնարկել էին առաջին եռամսյա վարժանքները, որոնց մասնակցում է ավելի քան 2 հազար պահեստազորային։ Նախորդ որոշման մեջ նշվում էր, որ վարժանքներին մասնակցողները ըստ անհրաժեշտության կարող են ընդգրկվել մարտական հերթապահությունում։ Այսօր ընդունված որոշման մեջ պահեստազորայինների՝ մարտական հերթապահությունում ընդգրկելու մասին դրույթ չկա։

Tekali Taxi