Հայաստան եկած ուկրաինացիներին օգնելու համար

Հայաստանում Ուկրաինայի հյուպատոսությունը տեղեկացնում է՝ Ռուսաստանի ագրեսիայի հետևանքով իրենց տունը լքած Ուկրաինայի քաղաքացիների զգալի առկայության կապակցությամբ Ուկրաինայի Ներքին գործերի նախարարության կողմից պաշտոնական հարթակ է ստեղծվել․ հարթակը կոչվում է «Ապաստարան»՝ https://prykhystok.in.ua, այն ուղղված է տեղահանվածներին և փախստականներին օգնություն տրամադրելուն այն երկրներում, որտեղ իրենք ապաստանել են, այդ թվում՝ Հայաստանի Հանրապետությունում։

«Կարևոր տեղեկատվություն ուկրաինացիների համար, ովքեր ժամանել են Հայաստանի Հանրապետություն Ուկրաինայի պատերազմի պատճառով և փնտրում են բնակվելու վայր։

Եվ նաև Հայաստանի Հանրապետության այն քաղաքացիների համար, ովքեր հնարավորություն ունեն օգնելու Ուկրաինայից եկած մարդկանց  անվճար տեղավորելու իրենց տներում։

Տեղեկացնում ենք, որ գործում է «Ապաստարան» պաշտոնական կայքը՝ https://prykhystok.in.ua/

Այս կայքում դուք կարող եք տեղեկատվություն տեղադրել բնակավայրերի, թափուր աշխատատեղերի քանակի և կոնտակտների մասին,  կարող եք առաջարկել կամ գտնել անվճար բնակարան:

Դա հարմար և ապացուցված ծառայություն է, որն օգնում է համակարգել նրանց ջանքերը, ովքեր օգնություն են փնտրում և ովքեր կարող են այն տրամադրել:

Հորդորում ենք ՀՀ քաղաքացիներին օգտվել «Ապաստարան» կայքից, եթե ցանկանում եք օգնել կանանց և երեխաներին, ովքեր հարկադրված են եղել գալ մեր երկիր՝ փախչելով պատերազմից, գտնել ապաստարան»։