Օբաման որոշել է 19%-ով կրճատել Հայաստանին տրվող տնտեսական օգնությունը

ԱՄՆ նախագահ Բարաք Օբաման իր պաշտոնավարության վերջին բյուջետային ծրագրի արտաքին հատկացումների շրջանակում 19%-ով կրճատել է Հայաստանին տրվող ֆինանսական աջակցությունը, հայտնում է Ամերկայի Հայ Ազգային Կոմիտեն:

Օբաման նախատեսում է Հայաստանին ԱՄՆ 2013 ֆինանսական տարվա բյուջեից 27 միլիոն 219 հազար ԱՄՆ դոլար հատկացնել Տնտեսական աջակցության հիմնադրամ (ESF) ծրագրով, որը մոտ 12 միլիոն 781 հազարով կամ 32%-ով ավելի քիչ է, քան նախորդ տարի Հայաստանին տրված գումարը:

Այս տարի ԱՄՆ-ն ESF-ում չեն ընդգրկել «Թմրանյութերի միջազգային վերահսկում և աջակցության իրավապահ մարմիններին» և Առողջապահական ծրագրերով հատկացվող գումարները, որոնք, ի տարբերություն նախորդ տարվա, տրվելու են առանձին:

Օգնության այդ երեք ծրագրերով միասին Հայաստանին կհատկացվի շուրջ 32 միլիոն 543 հազար դոլար, որը 19 %-ով ավելի քիչ է, քան 2012-ի բյուջեյում նախատեսված օգնությունը:

Ինչ վերաբերում է ռազմական օգնությանը, ապա ԱՄՆ վարչակազմը Արտաքին ռազմական ֆինանսավորման (FMF) և Միջազգային ռազմական կրթության և վարժանքի ծրագրերի համար (IMET) Հայաստանին և Ադրբեջանին 2,7-ական միլիոն դոլար կհատկացնի:

Օբամայի վարչակազմը, բացի ֆինանսական աջակցության կրճատումից, Հայաստանին  չի ընդգրկել նաև «Հազարամյակի մարտահրավերներ» ծրագրում, որն ուղղված է  աղքատության կրճատմանը:

ԱՄՆ-ի նախագահի վարչակազմի կողմից Հարավային Կովկասի երկրներին հատկացվող գումարների պատկերը հետևյալն է.

Տնտեսության աջակցության հիմնադրամ

Հայաստան - $27,219,000

Ադրբեջան - $11,029,000

Վրաստան - $42,660,000

Արտաքին ռազմական ֆինանսավորում

Հայաստան - $ 2,700,000

Ադրբեջան - $ 2,700,000

Վրաստան - $ 14,400,000

Միջազգային ռազմական կրթություն և վարժանք

Հայաստան - $600,000

Ադրբեջան - $600,000

Վրաստան - $1,800,000

Թմրանյութերի միջազգային վերահսկում և օգնություն իրավապահ մարմիններին

Հայաստան - $2,824,000

Ադրբեջան - $1,226,000

Վրաստան - $4,000,000

Գլոբալ Առողջապահական ծրագրեր - USAID

Հայաստան - $ 2,500,000

Ադրբեջան -----

Վրաստան - $4,000,000