Գլխավոր / Армения / Թուրքիայի նախագահի որդին զբաղվելու է սննդի առաքմամբ

Թուրքիայի նախագահի որդին զբաղվելու է սննդի առաքմամբ

Թուրքիայի նախագահ Աբդուլա Գյուլի կրտսեր որդին`
Մեհմեթ Էմրե Գյուլը, ով 15 տարեկանից
փորձում էր
զբաղվել
բիզնեսով, վերջերս ինտերնետային կայք է բացել, որի
միջոցով
թուրքական
հատուկ
ուտեստներ
առաքվելու
են
երկրի
տարածքում:

Ներկա
պահին
երիտասարդ գործարարը սովորում է
Հարվարդի համալսարանում, ուստի կայքով զբաղվում է
գլխավոր մենեջեր Բահադիր Թուրանլին: Վերջինիս
խոսքերով` նման
կայք ստեղծելու մտահղացումը ծնվել է այլ իրեր վաճառող կայքերի
այցելուների մեկնաբանությունների
արդյունքում:

«Թուրքիայի շրջաններ այցելելով` մենք հասկացանք, որ մարդիկ տեղական սնունդի պահանջ ունեն, և որոշեցինք կայք բացել: Կայքն առանձնանում է նրանով,
որ դրա միջոցով առաքվելու է տարածաշրջանային յուրահատուկ ուտեստը: Մենք գոհ ենք ստացվող պատվերներից և մտադիր ենք ընդլայնել մեր գործը Թուրքիայի 81 շրջաններում»,- նշել է գլխավոր տնօրենը: