Home / Армения / Էրդողանը կողմ է սահմանադրական փոփոխություններին

Էրդողանը կողմ է սահմանադրական փոփոխություններին

Թուրքիայի վարչապետ Ռեջեփ Թայիփ Էրդողանը կոչ է արել երկրի քաղացիներին քվեարկել սահմանադրական փոփոխությունների օգտին:

«Արդյոք դուք ցանկանում եք օգտվել այն սահմանադրությունից, որի հեղինակն է զինվորական խումբը, թե այն սահմանադրությունից, որի հեղինակն է ժողովուրդը»,- հռետորական հարց է հնչեցրել Թուրքիայի վարչապետը:

Ռեջեփ Թայիփ Էրդողանը պոտենցիալ քվեարկողներին է դիմել Աֆյոնկարահիսար նահանգում:

Սահմանադրական բարեփոխումների քվեարկությունը տեղի է ունենալու սեպտեմբերի 12-ին` զինվորական հեղաշրջման 30-րդ տարեդարձի օրը: Համաձայն իշխող «Արդարություն և զարգացում» կուսակցության ներկայացուցիչների` նորացված սահմանադրությունը Թուրքիան ավելի դեմոկրատական կդարձնի` մոտեցնելով ԵՄ չափանիշներին: Սահմանադրության նոր տարբերակում, մասնավորապես, չկա այն հոդվածը, որն արգելում է դատական գործ հարուցել Ազգային անվտանգության խորհրդի ներկայացուցիչների նկատմամբ: Հիշեցնենք, որ այդ խորհուրդը կազմավորվել էր 1980թ. զինվորական հեղաշրջումից հետո:

Համաձայն վերլուծաբանների, նոր սահմանադրությունը կարող է էլ ավելի ամրապնդել իշխող կուսակցության դիրքերը և թուլացնել զինվորական էլիտան:

Tekali Taxi