Վաճառվել է աշխարհի ամենաթանկ բնակարանը
Լոնդոնում
վաճառվել է աշխարհի ամենաթանկ բնակարանը: Հայդ-պարկի շրջանում գտնվող այս շքեղ
բնակարանի համար
վճարել են 140 միլիոն ֆունտ (220 միլիոն դոլար), հաղորդում է The Daily
Mail-ը:
Բնակարանը գտնվում է հեղինակավոր Knightsbridge համալիրում և ունի բոլոր հարմարությունները: Բնակարանը նաև հատուկ գաղտնի սենյակ ունի, որտեղ բնակչիները կարող են թաքնվել որևէ արտակարգ պատահարի ժամանակ:
Աշխարհի ամենաթանկ բնակարանում կարելի է նաև գինիներ համտեսել, խաղեր խաղալ և բնակարանից անմիջապես հայտնվել Heston Blumenthal ռեստորանում:
Գնորդի անունը գաղտնի է պահվում:
Նշենք նաև, որ Knightsbridge համալիրը նախագծել է բրիտանացի ճարտարապետ Ռիչարդ Ռոջերսը: Համալիրը կազմված է չորս շենքից և ունի 86 բնակարան:
Նշենք, որ մինչ այդ աշխարհի ամենաթանկ բնակարանը համարվում էր 115 միլիոն ֆունտ արժողությամբ բնակարանը: Այն գտնվում է Լոնդոնի կենտրոնական մասում և վաճառվել է 2008 թվականին:
