Գլխավոր / Հայաստան / ԱԺ փոխխոսնակի փոփոխությունը քոչարյանական թևի թուլացում է. պատգամավոր

ԱԺ փոխխոսնակի փոփոխությունը քոչարյանական թևի թուլացում է. պատգամավոր

Արևիկ Պետրոսյանի փոխարինումը Սամվել Բալասանյանով չի կարող մեծ խթան լինել «Բարգավաճ Հայաստան» կուսակցության ակտիվացման համար, այսօր լրագրողների հետ հանդիպման ժամանակ հայտարարել է «Ժառանգություն» խմբակցության անդամ Արմեն Մարտիրոսյանը:

Նրա խոսքով` «սա ընդամենը մի փոքր թուլացում էր ռոբերտքոչարյանական թևի, որովհետև Արևիկ Պետրոսյանը համարվում էր Ռոբերտ Քոչարյանի կադրերից մեկը»:

Արմեն Մարտիրոսյանը նշել է, որ իր համար ավելի հաճելի էր ամբիոնում տեսնել գրագետ, կիրթ կնոջ և «հատկապես կնոջ»: Այնուամենայնիվ, պատգամավորի խոսքերով, երկու պարագայում էլ քաղաքական առումով անհամաձայնությունների շարքը շատ մեծ է լինելու:

Խոսելով ԲՀԿ-ի` ընդդիմադիր դաշտ մտնելու մասին` Մարտիրոսյանն ասել է, որ չի պատկերացնում, որ հիմնականում տնտեսական գործունեությամբ շատ հայտնի Գագիկ Ծառուկյանը կարող է հայտնվել ընդդիմադիրի կարգավիճակում.

«Մենք բոլորս տեսել ենք, թե ընդդիմադիր օլիգարխների հետ կապված ինչ պատմություններ կարող են լինել», – նշել է Մարտիրոսյանը` որպես դրա վկայություն բելերով Խաչատուր Սուքիասյանի հետ պատահածը:

Ըստ նրա` ԲՀԿ-ի ներսում, բացի Գագիկ Ծառուկյանից, շատ մեծ թիվ են կազմում տնտեսվարող-սուբյեկտները. «Չեմ կարծում, որ «Բարգավաճ Հայաստանը» կլինի այն հզոր քաղաքական ուժը, որը ընդդիմություն կարող է ներկայացնել»:

Իսկ ԲՀԿ-ՀՀԿ հակամարտությունը Մարտիրոսյանն անվանեց «ձևական հակամարտություն»:

Հարցին, թե արդյոք միտում է նկատվում, որ «Հանրապետական» կուսակցութույնը փորձում է թուլացնել ԲՀԿ-ն խորհրդարանական ընտրություններից առաջ, պատգամավորն պատասխանեց.

«Ի տարբերություն 2007 թվականի, այժմ ձայները խիստ կողմնորոշված են, և ազատ ձայներ շատ քիչ են լինելու, այդ թվում նաև վարչական ռեսուրսին ենթակա ձայները»: Նա կարծում է, որ այսօր պայքար է գնում ընտրակաշառքների ենթակա ձայների համար:

Tekali Taxi