Գլխավոր / Армения / Կանայք չեն կարևորում տղամարդկանց կազմվածքը

Կանայք չեն կարևորում տղամարդկանց կազմվածքը

Գիտնականները պարզել են, որ տղամարդիկ ավելի շատ ուշադրություն են դարձնում կնոջ մարմնին, երբ մտադիր են նրա հետ ընդամենը մեկ գիշեր անցկացնել, իսկ կյանքի ընկեր ընտրելու դեպքում նրանց ավելի շատ հետաքրքրում է կնոջ դեմքը, գրում է Newsweek-ը:

Տեխասի համալսարանի հոգեբանների խոսքով` կնոջ մարմինը տեղեկատվություն է տալիս նրա պտղաբերության մասին, այնպես որ, սեքսի համար զուգընկեր ընտրելիս տղամարդիկ առաջին հերթին ուշադրություն են դարձնում կնոջ մարմնին:

Իսկ թե ինչու են տղամարդիկ ամուսնանալու դեպքում ուշադրություն դարձնում կնոջ դեմքին, գիտնականները բացատրում են հետևյալ կերպ. «Հնարավոր է` առաջինը կնոջ դեմքին են նայում, քանի որ մենք մարդկանց բնավորության մասին դատում ենք ելնելով հենց դեմքից` բարի են, ազնիվ են, խելացի են: Իսկ սա շատ կարևոր է, երբ ամուսնական հարաբերության մեջ ես լինելու և ոչ թե ուղղակի մի գիշեր ես անցկացնելու նրա հետ»:

Նշենք նաև, որ կանանց համար տղամարդու դեմքն ավելի կարևոր է թե կարճատև, թե երկարատև հարաբերությունների ժամանակ:

Tekali Taxi