Գլխավոր / Армения / Բնապահպանին անհանգստացնում են Սևանա լճի մոտ գտնվող գործարանները

Բնապահպանին անհանգստացնում են Սևանա լճի մոտ գտնվող գործարանները

Բնապահպանության նախարարությունը Սևանա լճի հարակից տարածքներում կառուցվող շինությունների հարցում պարզապես արձագանքում է, սակայն վերջնական լուծում չի տալիս: Այսօր լրագրողների հետ հանդիպման ժամանակ այս մասին խոսել է «Էկոլուր» հ/կ-ի նախագահ Ինգա Զարաֆյանը:

Զարաֆյանը որպես օրինակ նշել է Շորժայի տարածքում գտնվող «Գեգամետ+» ընկերության վերամշակման գործարանը:

«Մենք հանդիպել ենք «Գեգամետ+» ընկերության նախագահ Վլադիմիր Գասպարյանի հետ, խոսել գործարանի վնասակարության մասին, սակայն նա մեզ փոխանցել է, որ իրենց գործունեությունը վնաս չի պարունակում, իսկ վերամշակման արդյունքում առաջացած թափոններն էլ բնական ֆիլտր են ներառում, և իրենցից վտանգ չեն առաջացնում»,- պատմել է Ինգա Զարաֆյանը:

Բնապահպանը նույնքան վտանգավոր է համարում «Միկա ցեմենտ» ընկերության ծավալած գործունեությունը:

«Միկա ցեմենտ ընկերությունն էլ օր ու գիշեր ցեմենտ է տանում Արտանիշ կոչվող  տարածքից, սակայն այդ տարածքը նույնպես ներառված է Սևանի էկոհամակարգի մեջ»,- ասել է բանախոսը:

Tekali Taxi