Գլխավոր / Армения / Հայաստանում իշխանությունը պահում են ժողովրդի դեմ բռնաճնշումների շնորհիվ. կարծիք

Հայաստանում իշխանությունը պահում են ժողովրդի դեմ բռնաճնշումների շնորհիվ. կարծիք

«Ես այսօր իշխանության պռովալներից եմ խոսում, բայց ես արդեն պռովալի մեջ եմ էստեղ», – այսօր ասուլիսի սկզբին խոստովանել է ՀԱԿ համակարգող Լևոն Զուրաբյանը` նկատի ունենալով անհարմար աթոռը:

Այնուհետև նա, իր խոսքերով, մի քաղաքագիտական դիտարկում է արել.

«Թվում է, եթե մենք ապրեինք նորմալ իրավիճակում, այսօր որևէ հանրահավաքի մարդ չէր գա և որևէ քաղաքական ուժ նման իրավիճակում չէր էլ կազմակերպի հանրահավաք»:

Նրա խոսքերով, անգամ մարտի մեկի հանցագործությունից հետո, երբ տասը մարդ սպանվեց և որը մինչև հիմա բացահայտված չէ, երբ «ռեժիմը» կիրառեց հրազեն սեփական ժողովրդի դեմ` ճնշելու համար խաղաղ ցույցերը, եթե իշխանությունները գոնե մեկ բնագավառում արձանագրեին որևէ հաջողություն, ժողովուրդն ավելի հանգիստ կվերաբերեր այս իշխանությանը:

Խոսելով իշխանությունների ձախողումների մասին` Զուրաբյանն ընդծել է.

«Նրանք այդպես էլ չկարողացան լուծել այն քաղաքական ճգնաժամը և դրա հետևանքները, որը Հայաստանում առաջացավ մարտիմեկյան այդ տխրահռչակ իրադարձություններից հետո»:

Զուրաբյանը նշեց, որ հարցերից ոչ մեկը չլուծվեց, «ինչը ծանր հետևանքներ է ունենում ոչ միայն այն պատճառով, որ հակադեմոկրատական ռեպրեսիվ ռեժիմը դրանով ապացուցում է, որ նրա իշխանությունը պահպանվում է միայն շնորհիվ սեփական ժողովրդի դեմ կիրառվող բռնաճնշումների, այլ նաև վտանգավոր է այն առումով, որ դա որոշ միջազգային ուժերի կողմից օգտագործվում է Ղարաբաղի հարցում ճնշումներ գործադրելու նպատակով»:

Tekali Taxi