Գլխավոր / Армения / Արա Աբրահամյանը համոզված է, որ հայերը Ռուսաստանում ազգային հողի վրա խնդիրներ չունեն

Արա Աբրահամյանը համոզված է, որ հայերը Ռուսաստանում ազգային հողի վրա խնդիրներ չունեն

Շատ կարճ ժամանակահատվածում մենք ստեղծեցինք մի ուժ, որն օգնում է պահպանել մեր լեզուն և մշակույթը և մասնակցել Ռուսաստանի զարգացմանը: Խոսելով Ռուսաստանի հայերի միության տասնամյակի մասին` այսպիսի հայտարարությամբ է հանդես եկել կառույցի նախագահ Արա Աբրահամյանը:

Նա հանգամանալից ներկայացրել է Միության գործունեությունը` նշելով. «Մենք բավական լավ փորձ ենք ձեռք բերել: Կարող եմ ասել, Ռուսաստանի իշխանությունները և այլ կառավարական կառույցներ բարձր գնահատական են տվել Ռուսաստանի հայերի միությանը, որովհետև երբ ինչ-որ հարց է քննարկվում, մենք ներկա ենք, մենք ասում ենք մեր կազմակերպության մասին»:

Նրա խոսքերով, Ռուսաստանում ընտրությունների ժամանակ «չկա մի կուսակցություն, որ մեր կազմակերպության առջև ելույթ չունենա»:

Աբրահամյանը խոսել է նաև ազգային հողի վրա ծագող խնդիրների մասին և ասել է, որ Հայերի միությունը կարողացել է իր «հասարակական պարտականությունները կատարել»:

«Այսօր այդպիսի խնդիրներ չկան, լինում են առանձին դեպքեր»,- ասել է Աբրահամյանը:

Ռուսաստանի հայերի միությունը, ըստ Աբրահամյանի, «սփյուռքի այլ հասարակական կազմակերպություններից տարբերվում է նրանով, որ մենք աշխատում ենք անմիջապես կառավարության, իշխանությունների հետ»:

Պատասխանելով կարծիքներին այն մասին, որ Աբրահամյանը ոչինչ չի արել Հայաստանի համար`Ռուսաստանի հայերի միության նախագահն ընդգծել է.

«Արա Աբրահամյանը պարտավոր չէ ոչինչ անել: Արա Աբրահամյանն այն տասը միլիոն հայերից մեկն է: Արա Աբրահամյանն իր վրա վերցրել է մի պարտականություն և իր համախոհների հետ միասին ստեղծել է մի կազմակերպություն, որը Ռուսաստանի հասարակական կազմակերպություն է և ոչնչով պարտավոր չէ: Մենք ազգասեր մարդիկ ենք»:

Նա նաև նշել է, որ ինքը և իր համախոհները ոչ մեկից փող չեն ուզում գործ անելու համար: Աբրահամյանի խոսքով` իրենց գործերը թվարկելու համար 5 ժամ կպահանջվի, սակայն նշել է դրանցից ևս մի քանիսը:

«Ես ինքս բիզնեսմեն եմ: Ես շատ եմ սիրում Ռուսաստանը, ես Ռուսաստանի և Հայաստանի քաղաքացի եմ: Ես սիրում եմ իմ հայրենիքը, իմ գյուղը, սիրում եմ իմ ժողովրդին»: Բացի այդ, Աբրահամյանի պոսքով, ինքը չի մրցում որևէ մեկի հետ, և երջանիկ կլինի, եթե բոլորն անեն իրենից շատ:

Նա բացթողումների շարքին է դասել այն, որ հայ բիզնեսմենները «զերծ են մնում միասնական ուժով հանդես գալուց»:

«Ես կարող եմ շնորհակալություն հայտնել Սամվել Կարապետյանին, որ բավական մեծ միջոցառումներ է անցկացնում», – նշել է Աբրահամյանը:

Ավարտելով իր գործերի թվարկումը` Աբրահամյանն ասաց, որ եթե դա ոչինչ է, նա կաշխատի անել ավելին, որ «ոչինչ» չլինի:

Նրա այս արտահայտությունը գնահատեց դահլիճում գտվողներից մեկը, որը ծափահարելով ասաց` «հոյակապ է»:

Tekali Taxi