Գլխավոր / Армения / Ինձ չի հետաքրքրում սերիալի մակարդակի գործչի կարծիքը. Արամ Մանուկյան

Ինձ չի հետաքրքրում սերիալի մակարդակի գործչի կարծիքը. Արամ Մանուկյան

Վերջին մի քանի շաբաթվա ընթացքում Եվրոպական լիբերալ կառույցների հետ Հայոց Համազգային Շարժում կուսակցությունը համատեղ փաստաթղթեր է ստորագրել, որոնց հիմնական նպատակն է հանդուրժողականության դաշտ ստեղծել տարածաշրջանում:
Այսօր լրագրողների հետ հանդիպման ժամանակ ՀՀՇ վարչության նախագահ Արամ Մանուկյանը խոսել է այդ փաստթղթերի մասին:

«Առաջինը եվրոպացի պատգամավորների ALDE դաշինքի (Լիբերլաներն ու դեմոկրատները Եվրոպայի համար – Epress.am) հայտարարությունն էր, համաձայն որի նրանք աջակցելու են Հայաստանում քաղբանտարկյալների ազատ արձակման գործին»,- ասել է Արամ Մանուկյանը:

Նա նաև նշել է Պոտսդամյան հուշագրի մասին, որը ստորագրել են Ադրբեջանի ընդդիմադիր «Մուսավաթ» կուսակցությունը, Վրաստանի հանրապետական կուսակցությունը և Հայաստանի Հայոց համազգային շարժում կուսակցությունը:

«Հաջորդը դա 38 եվրոպական երկրների լիբերալ կուսակցությունների ալիանսն է, որի մեջ մտնում են 58 կուսակցություններ: Այս ալիանսի մեջ կան եվրոպական երկրների հինգ վարչապետներ, այն թվով երրորդ քաղաքական ուժն է Եվրոպայում»,- հավելել է բանախոսը:
Իսկ թե ինչպես է Արամ Մանուկյանը վերաբերվում այն քննադատություններին, որ իրենք, այսպես կոչված, թշնամի երկրի ընդդիմության հետ հուշագիր են ստորագրում, ՀՀՇ վարչության ղեկավարն ասել է.

«Սերիալի մակարդակի քաղաքական գործիչը, իհարկե, պետք է քննադատի այդ համաձայնագիրը: Ինձ բացարձակապես չի հետաքրքրում, թե ինչ են ասում: Էդ որ իրենք Թուրքիայի հետ սիլի-բիլի էին անում` ֆուտբոլ էին խաղում, տոլմա էին ուտում, ով բան ասաց, լավ էին անում: Ով փորձի սրա դեմ խոսել, ниже плинтуса (պլինտուսից ցածր – Epress.am) մակարդակ է»,- իր խոսքն ավարտել է բանախոսը:

Tekali Taxi