Home / Армения / Աշխարհի լիբերալ երիտասարդները Հայաստանին կոչ են արել լուծել 12 քաղբանտարկյալների խնդիրը

Աշխարհի լիբերալ երիտասարդները Հայաստանին կոչ են արել լուծել 12 քաղբանտարկյալների խնդիրը

Հայոց համազգային շարժման (ՀՀՇ) երիտասարդական ասոցիացիան Հայաստանում երիտասարդ քաղաքական ակտիվիստների նկատմամբ շարունակվող հետապնդումների կապակցությամբ բանաձև է ներկայացրել Լիբանանի մայրաքաղաք Բեյրութում նոյեմբերի 19-ից 21-ը կայացած Լիբերալ երիտասարդության միջազգային ֆեդերացիայի (ԼԵՄՖ) հավաքին, որն ընդունվել է 105 երկրների պատվիրակների կոմղից:

Բանաձևում, մասնավորապես, ասված է.

«Հաշվի առնելով երիտասարդ առաջնորդ և 2009 թվականից քաղբանտարկյալ հանդիսացող Նիկոլ Փաշինյանի նկատմամբ վերջերս իրականացված ֆիզիկական բռնությունը, ինչպես նաև ս.թ. նոյեմբերի 9-ին կայացած խաղաղ ցույցի ժամանակ Հայաստանի ոստիկանության կողմից երիտասարդ քաղաքական ակտիվիստների նկատմամբ գործած ապօրինությունները;
Ընդգծելով այն փաստը, որ մի երկրում, որը ձգտում է ժողովրդավարական արժեքներին և եվրոպական կառույցներին էլ ավելի ինտեգրվելուն անընդունելի են քաղբանտարկյալների գոյությունն ու քաղաքական հետապնդումները;

Լիբերալ երիտասարդության միջազգային ֆեդերացիան (ԼԵՄՖ) դատապարտում է երիտասարդ ակտիվիստների հանդեպ իրականացվող քաղաքական հետապնդումները, ինչպես նաև՝ քաղբանտարկյալ Նիկոլ Փաշինյանի հանդեպ կալանավայրում գործադրված բռնության դեպքերը:

ԼԵՄՖ-ը կոչ է անում Հայաստանի իշխանություններին իրականացնել վերը նշված իրադարձությունների անաչառ, համապարփակ հետաքննություն և պատժել մեղավորներին օրենքի ողջ խստությամբ:

ԼԵՄՖ-ը Հայաստանի իշխանություններին նաև կոչ է անում անհապաղ լուծել 12 քաղբանտարկյալների խնդիրը, ինչը Եվրոպական ընտանիքին միանալու Հայաստանի պատրաստության ազդանշան կհանդիսանա։

ԼԵՄՖ-ը կոչ է անում Ֆեդերացիայի բյուրոյին և անդամ կազմակերպություններին հետևել այս պահանջների կատարման ընթացքին և պահպանել ակտիվ ներգրավվածությունը Հայաստանում քաղաքական հալածանքներին առնչվող խնդիրներում»։

Նշենք, որ Բեյրությում ՀՀՇ կուսկացության երիտթևն ընտրվել է ԼԵՄՖ-ի լիիրավ անդամ: Մինչ այդ 7 տարվա ընթացքում ՀՀՇ երիտթևը համագործակցել է ԼԵՄՖ-ի հետ:

Tekali Taxi