Գլխավոր / Հայաստան / Ինչը չէր թողնում Սերժ Սարգսյանին ավելի վաղ սկսել պաշտոնանկությունների շարքը

Ինչը չէր թողնում Սերժ Սարգսյանին ավելի վաղ սկսել պաշտոնանկությունների շարքը

Սերժ Սարգսյանը մի գործընթաց սկսեց, որին մենք բոլորս շատ ավելի վաղ էինք սպասում: Անդրադառնալով ներքաղաքական վերջին զարգացումներին, մասնավորապես դեկտեմբեր ամսին Երևանի քաղաքապետի և մի շարք նախարարների պաշտոնանկություններին` այսպիսի կարծիք է հայտնել ԱԺ փոխնախագահ, ՀՀԿ-ական Սամվել Նիկոյանը` չմասնավորեցնելով, սակայն, ում նկատի ունի «մենք» ասելով: 

«2008-2009 թվականներին Հայաստանում լարված ներքաղաքական իրավիճակը թույլ չէր տալիս Սերժ Սարգսյանին անել այն քայլերը, որոնք նա կատարում է այժմ», – ասել է Նիկոյանը` հավելելով, որ այդ քայլերի իրագործմանը խոչընդոտում էր արտաքին քաղաքականության մեջ գերլարված վիճակը:

Լրագրողի այն դիտարկմանը, թե ընդդիմությունը կարծիք է հայտնել, որ «նման փոփոխություններով կազմաքանդվում է իշխանական բուրգը», Նիկոյանը պատասխանել է.

«Այս փոփոխություններով իշխանական բուրգը ոչ թե կազմաքանդվում է, այլ այն ավելի է ուժեղանում»:

ԱԺ փոխնախագահը չի բացառել նաև այլ պաշտոնանկություններ, բայց նշել է, որ հեղափոխական մոտեցում չի լինի:

«Որևիցե մեկը եթե չի մտնի կանոնների մեջ, օրենքից դուրս գործունեություն կծավալի, պետք է պաշտոնանկ արվի», – ասել է Նիկոյանը:

Tekali Taxi