Գլխավոր / Armenia / ՀՖՖ-ն հրապարակել է Հայաստանի լավագույն ֆուտբոլիստի քվեարկության ցուցակը

ՀՖՖ-ն հրապարակել է Հայաստանի լավագույն ֆուտբոլիստի քվեարկության ցուցակը

Այսօր Հայաստանի ֆուտբոլի ֆեդերացիան մանրամասներ է հրապարակել` կապված Հայաստանի 2010թ. լավագույն ֆուտբոլիստի ընտրության հետ: Հիշեցնենք, որ երեկ ՀՖՖ-ն հայտարարել էր հաղթողի անունը` Հայաստանի հավաքականի և Երևանի «Փյունիկի» կիսապաշտպան Կառլեն Մկրտչյան:

2010 թվականի լավագույն ‎ֆուտբոլիստի որոշման հարցմանը մասնակցել են «Փյունիկ», «Բանանց», «Ուլիս», «Միկա», «Իմպուլս», «Գանձասար», «Կիլիկիա» և «Շիրակ» ակումբների նախագահները, այդ ակումբների թիմերի գլխավոր մարզիչները և թիմերի ավագները, Հայաստանի ֆուտբոլի ֆեդերացիայի Գործկոմի անդամները, Հայաստանի առաջնության Բարձրագույն խմբի հանդիպումները սպասարկած տեսուչները, զանգվածային լրատվամիջոցները:

Հարցման մասնակիցներին ՀՖՖ առաջարկել էր 11 ֆուտբոլիստից բաղկացած ցուցակ, որից էլ նրանք պետք է ընտրեին 3 հոգու: Առաջին տեղի ձայները բազմապատկվել են 5-ով, երկրորդ տեղի ձայները` 3-ով, երրորդ տեղի ձայները` 1-ով:

Այսպիսով, 2010 թվականի լավագույն ֆուտբոլիստ է ճանաչվել Կառլեն Մկրտչյանը («Փյունիկ»), ով վաստակել է 242 միավոր, երկրորդ տեղում է Գևորգ Ղազարյանը («Փյունիկ»)` 176 միավոր, իսկ լավագույն եռյակը եզրափակել է Հրայր Մկոյանը («Միկա»)` 64 միավոր:

2010թ. Հայաստանի լավագույն ֆուտբոլիստ մրցույթի արդյունքները
                     

                                                                                          1     2     3          Մ
1.    Կառլեն Մկրտչյան (Փյունիկ)                                38    17    1         242
2.    Գևորգ Ղազարյան (Փյունիկ)                                 19    25    6         176
3.    Հրայր Մկոյան (Միկա)                                             4    9    17         64
4.    Մարկոս Պիզելի (Փյունիկ)                                       1    5    17         37
5.    Սարգիս Հովսեփյան (Փյունիկ)                                3    3    5           29
6.    Դավիթ Մանոյան (Փյունիկ)                                    1    1    4           12
7.    Էդուարդո դոս Սանթոս (Բանանց)                        0    2    4           10
8.    Հովհաննես Համբարձումյան (Բանանց)                0    1    7          10
9.    Էդնեյ դե Օլիվեյրա (Միկա)                                     0    2    0          6
10.    Էդգար Մանուչարյան (Փյունիկ)                           0    1    2           5
11.    Վալտեր Պողոսյան (Բանանց)                              0    0    3          3
Tekali Taxi