Գլխավոր / Հայաստան / Սերժ Սարգսյանը շնորհավորել է եղբայրական Ղազախստանի հին նոր նախագահին

Սերժ Սարգսյանը շնորհավորել է եղբայրական Ղազախստանի հին նոր նախագահին

ՀՀ նախագահ Սերժ Սարգսյանն այսօր հեռախոսազրույց է ունեցել Ղազախստանի Հանրապետության նախագահ Նուրսուլթան Նազարբաևի հետ:

Ինչպես հաղորդում է ՀՀ նախագահի մամուլի գրասենյակը, Սերժ Սարգսյանը շնորհավորել է Նուրսուլթան Նազարբաևին` Ղազախստանի Հանրապետության նախագահի պաշտոնում վերընտրվելու կապակցությամբ, մաղթել նրան քաջառողջություն և հաջողություններ, իսկ եղբայրական Ղազախստանին` խաղաղություն և բարգավաճում:

Զրույցի ընթացքում Սերժ Սարգսյանը հույս է հայտնել, որ հայ-ղազախական կառուցողական գործընկերության զարգացման հարցերում համատեղ ջանքերը, երկու երկրների նախագահների միջև հաստատված անձնական վստահելի հարաբերությունները հետագայում ևս կծառայեն ի շահ Հայաստանի և Ղազախստանի ժողովուրդների միջև բարեկամության ամրապնդման:

Նշենք, որ ապրիլի 3-ին Ղազախստանում կայացած արտահերթ նախագահական ընտրությունների արդյունքում Նուրսուլթան Նազարբաևը պաշտոնական տվյալների համաձայն հավաքել է ընտրողներիկ ձայների 95,5 տոկոսը: ԽՍՀՄ փլուզումից հետո նա Ղազախստանի անփոփոխ նախագահն է: