Home / Հայաստան / Սերժ Սարգսյանին չեմ դավաճանել, պարզապես… Սասուն Միքայելյան (թարմացվում է)

Սերժ Սարգսյանին չեմ դավաճանել, պարզապես… Սասուն Միքայելյան (թարմացվում է)

17.03 «Ես միշտ եղել եմ իմ ազգի զինվորը ու շարունակելու եմ ծառայել իմ ազգին», – հայտարարել է րոպեներ առաջ ազատ արձակված քաղբանտարկյալ Սասուն Միքայելյանը:

Իր հետագա անելիքների մասին հարցին Միքայելյանը պատասխանել է, որ բոլոր հարցերում մնալու է Հայ Ազգային Կոնգրեսի դիրքորոշմանը և անելու է այն, ինչ Կոնգրեսը ճիշտ համարի:

Ինչ վերաբերում է Սերժ Սարգսյանին դավաճանելու մասին զրույցներին, ապա, Միքայելյանի խոսքով, Սերժ Սարգսյանը եղել է իր մարտական ընկերը:

«Ես նրան չեմ դավաճանել, պարզապես մենք քաղաքական տարբեր դիրքորոշումներ ունենք», – ասել է նա:

Այս պահին Սասուն Միքայելյանը ՔԿՀ-ից ուղևորվելու է Եռաբլուր, այնուհետև իր հայրենիք` Հրազդան: Նշենք, որ Սասուն Միքայելյանին ՔԿՀ-ի մոտ դիմավորողների թվում էր նաև «Սարդարապատ» շարժման նախաձեռնող Ժիրայր Սեֆիլյանը:

16.39 Սասուն Միքայելյանն արդեն ազատության մեջ է: «Դատապարտյալների հիվանդանոց» ՔԿՀ-ի մոտ հավաքված մարդիկ ցնծում են: Նրան շրջապատել են հարազատներն ու ՀԱԿ ակտիվիստները:

16.25 Այս պահին  դարպասների հետևից երևաց քաղբանտարկյալ Սասուն Միքայելյանը, հայտնում է Epress.am-ի թղթակիցը: Դարպասների մոտ են հավաքվել բազմաթիվ մարդիկ` Միքայելյանի հարազատները, ՀԱԿ ներկայացուցիչները, ովքեր առավոտից սպասում էին նրա ազատ արձակմանը:

Tekali Taxi