Home / Հայաստան / Երևանում կայանալիք Մանկական Եվրատեսիլի տարբերանշանը պատրաստ է. Ադրբեջանն ու Թուրքիան դեռ հայտեր չեն ներկայացրել

Երևանում կայանալիք Մանկական Եվրատեսիլի տարբերանշանը պատրաստ է. Ադրբեջանն ու Թուրքիան դեռ հայտեր չեն ներկայացրել

Այսօր հրավիրված մամուլի ասուլիսին «Մանկական եվրատեսիլ-2011»-ի գործադիր պրոդյուսեր Լևոն Սիմոնյանը, Հանրային հեռուստաընկերության երաժշտական պրոդյուսեր Գրիգոր Նազարյանը և «Մանկական Եվրատեսիլ»-ի պատվիրակությունների ղեկավար Գոհար Գասպարյանը ներկայացրել են առաջին անգամ Հայաստանում անցկացվելիք «Մանկական Եվրատեսիլ- 2011»-ի տարբերանշանը և նշանաբանը: Ինչպես նաև արդեն հայտնի է «Եվրատեսիլ»-ի անցկացման օրը և վայրը. այն կկայանա դեկտեմբերի 3-ին Կարեն Դեմիրճյանի անվան Մարզահամերգային համալիրում:

«Ինչպես տեսնում ենք, այն ներկայացնում է սարեր և երաժշտական էկվալայզեր, որը խորհրդանշում է բարձունք: Մեր խորհրդանիշն է՝  «Հասիր բարձունքին» (Reach for the top)»,- ներկայացրել է Գոհար Գասպարյանը:

Տարբերանշանի վրա պատկերված սարերը հիշեցնում են Մասիսն ու Սիսը:

«Կարծում եմ՝ ցանկացած մարդ՝ լինի դա հայ, լինի դա եվրոպացի, լինի դա աշխարհի ցանկացած ծայրում ապրող մեկը, ինչ-որ հոգեհարազատ բան կտեսնի այս ամենի մեջ, պարզապես շատ ուժեղ սարեր են»,- հավելել է նա:

Գասպարյանի խոսքով` այսօրվա դրությամբ մանկական Եվրատեսիլին մասնակցելու համար դիմել է 12 երկիր՝  Բելառուս, Բելգիա, Վրաստան, Լիտվա, Մակեդոնիա, Մոլդովա, Հոլանդիա, Ռուսաստանի Դաշնություն, Սան Մարինո, Շվեդիա, Ուկրաինա, քննարկվում է նաև Հունաստանի և Բուլղարիայի մասնակցությունը, բայց սա դեռ վերջնական ցանկը չէ:

Կազմակերպիչները նշել են, որ Ադրբեջանը և Թուրքիան դեռևս հայտեր չեն ներկայացրել, սակայն վստահեցրել են, որ բոլոր մասնակիցների համար ապահովվելու է անվտանգ և խաղաղ մեկ շաբաթ:

Tekali Taxi