Գլխավոր / Հայաստան / Վրաստանում բերման են ենթարկել հայկական եկեղեցու վրա հարձակված երիտասարդներին

Վրաստանում բերման են ենթարկել հայկական եկեղեցու վրա հարձակված երիտասարդներին

Հայ առաքելական  եկեղեցու վրացական թեմի ներկայացուցիչների հայցի հիման վրա Վրաստանի ոստիկանությունը քրեական գործ է հարուցել հայկական եկեղեցու վրա ոչ սթափ վիճակում հարձակում գործած երկու վրացի երիտասարդների նկատմամբ:

Օգոստոսի 19-ի երեկոյան` ժամը 16:00-ի սահմաններում, Թբիլիսիում Հավլաբարի Սուրբ Էջմիածին եկեղեցի էին մտել ազգությամբ վրացի 2 երիտասարդ: Հոգևոր հայրերն այդ ժամանակ բացակայել են: Եկեղեցում են եղել միայն 2 կին աշխատակցուհիները և մոմավաճառն ու հավաքարարը:

Վրացական ոստիկանությունը արդեն սկսել է հետաքննչական աշխատանքներ իրականացնել: Երիտասարդները ձերբակալված են: Եկեղեցու աշխատակիցներն ու ականատեսները ցուցմունքներ են տվել, հայտնում է «Գրուզիա օնլայն»-ը

Եպիսկոպոս Վազգեն Միրզախանյանը հաղորդել է, որ այժմ նրանք արդյունքների են սպասում:

«Անկեղծ ասած, մենք երիտասարդներին դատելու կողմնակից չենք: Հնարավոր է, որ դրա կարիքը չկա: Պարզապես թող նրանք այն պատիժը կրեն, ինչ որ հարկն է, որպեսզի դա այլոց համար օրինակ ծառայի»,- նշել է նա:

Հիշեցնենք, որ երիտասարդներից մեկը, մոտենալով խորանին, սկսել է կոպիտ կերպով թերթել Սուրբ Գիրքը և անգամ էջ է պոկել գրքից, որից հետո նստել է եպիսկոպոսական գահին: Եկեղեցում գտնվող կանայք փորձել են կարգի հրավիրել երիտասարդներին և դուրս են արել նրանց: Նրանք պոկել են եկեղեցու դռներին փակցված հայտարարությունները և ցուցադրաբար այրել դրանք:

Tekali Taxi