Գլխավոր / Հայաստան / ՖՈՏՈՇԱՐՔ – Քադաֆին սիրում էր Քոնդոլիզա Ռայսին, իսկ Լիբիայի երեխաները ապագա չունեին

ՖՈՏՈՇԱՐՔ – Քադաֆին սիրում էր Քոնդոլիզա Ռայսին, իսկ Լիբիայի երեխաները ապագա չունեին

Լիբիայի առաջնորդ Մուամար Քադաֆիի բնակարանային համալիր ներխուժած ապստամբները բազմաթիվ այլ հետաքրքրաշարժ իրերի հետ մեկտեղ գտել են նկարների ալբոմ, որում զետեղված են եղել 2005-2009 թվականներին ԱՄՆ պետքարտուղար Քոնդոլիզա Ռայսի լուսանկարները:

Քադաֆիի պալատներում հայտնված լիբիացիներին ապշեցրել են իրենց առաջնորդի հարստության ծավալները, սակայն թերևս ամենազարմանալին հենց ԱՄՆ պետքարտուղարին նկարներով ալբոմն էր, գրում է Daily Mail-ը:

Քադաֆին երբեք չի թաքցրել իր հիացմունքը Քոնդոլիզա Ռայսի նկատմամբ:

2007 թվականին «Ալ Ջազիրայի» հետ զրույցում նա ասել էր .«Ես սատարում եմ իմ սիրելի սևամորթ աֆրոամերիկացի կնոջը: Ես հիանում եմ նրանով, և հպարտանում եմ նրանով, թե ինչպես է նա վստահորեն հետ նստում և հրամաններ տալիս արաբ առաջնորդներին: …Լիիզա, Լիիզա, Լիիզա…Ես նրան շատ եմ սիրում: Հիանում եմ նրանով, և հպարտանում, որովհետև նա աֆրիկական ծագում ունեցող սևամորթ կին է»:

Հաջորդ տարի Քադաֆին և Ռայսը հնարավորություն ունեցան հանդիպել, երբ ԱՄՆ պետքարտուղարը պատմական այցով ժամանեց Լիբիա, ինչի շնորհիվ կարգավորվեցին ԱՄՆ-ի հետ Լիբիայի հարաբերությունները:

Այցելության ընթացքում Քադաֆին Ռայսին ադամանդե մատանի էր նվիրել, մեդալյոն, որի ներսում իր պատկերն է փորագրված եղել, ինչպես նաև իր անձնական «Կանաչ գիրք» քաղաքական մանիֆեստը:

Բոլոր նվերները միասին 212 հազար դոլար արժողություն են ունեցել:

Հարկ է նշել, որ Քադաֆիի այս համալիրը գրաված ապստամբներն ապշել են դրա ճոխությունից և հարստությունից: Բոլոր պատերին թանկարժեք կտավներ կան, իսկ սենյակները կահավորված են 14-րդ դարի կահույքով:

Լիբիայի առաջնորդի համալիր ներխուժած ապստամբներից մեկը ասել է լրագրողներին. «Լիբիայի երեխաները մանկություն չունեն: Քադաֆին խորտակել է նրանց կյանքը: Իսկ իր երեխաներն ու ընտանքն ամեն ինչ ունեն»:

Նշենք, որ Քադաֆին դեռևս չի ցանկանում հանձնվել և նրա հավատարիմ ուժերը շարունակում են քաղաքի տարբեր հատվածներում պայքար մղել ապստամբների դեմ:

Tekali Taxi