Ալկոհոլի սիրահար կանայք ավելի առողջ ու խելացի են. գիտնականներ

Հարվարդի համալսարանի գիտնականները հետազոտություն են անցկացրել, որին մասնակցել են շուրջ 14 հազար բուժքույրեր: Գիտնականները եկել են այն եզրահանգման, որ օրական 15-30 գրամ ալկոհոլը դրական է ազդում 50-ից բարձր կանանց առողջության վրա:

Public Library of Science-ում հրապարակված տվյալները վկայում են այն մասին, որ 5-15 գրամ ալկոհոլ օգտագործող կանայք ավելի քիչ առողջական խնդիրներ են ունենում: 15-30 գրամ ալկոհոլ ընդունելու դեպքում առողջ լինելու հնարավորություններն ավելանում են մինչև 30%:

Մասնագետները պարզել են, որ ալկոհոլային խմիչքի սիրահարները դրսևորում են ուղեղի առավել բարձր ճկունություն, ֆիզիկական վիճակ, նրանք ավելի հազվադեպ են տառապում շաքարախտով, քաղցկեղով: