Գերեզմանոցում հանգուցյալներին խնդրել են չմասնակցել ընտրություններին

Արմավիրի թիվ 20 ընտրատարածքում առաջադրված ՀԱԿ թեկնածու Մերուժան Աբրահամյանը «Հրապարակի» հետ զրույցում ասել է, որ իրենց ընտրատարածքը բացառություն չէ` այստեղ ևս ընտրացուցակներն ուռճացված են:

Օրինակ, Մեծամորում 1990 թվին է բնակչության թիվն ամենամեծը եղել` մոտ 12 հազար մարդ: «Դրանից հետո տարեցտարի նվազել է, մարդիկ գնացել են, և իմ հաշվարկներով` բնակչության թիվն այսօր առավելագույնը 9 հազար պետք է լիներ: Մինչդեռ ընտրողների թիվն է այսօր 9 հազարի հասնում: Դե թող հանեն, ինչո՞ւ չեն հանում այդ չեղած մարդկանց»:

Աբրահամյանը պատմել է, որ մի քանի օր առաջ իր թիմի երիտասարդները հավաքվել-գնացել են գերեզմանոց, որտեղ բարձրախոսով հայտարարել են. «Հարգելի հանգուցյալներ, խնդրում ենք չգաք ընտրության»: