Home / Հայաստան / Թուրքիային դուր չի եկել Հռոմի Պապի Հայոց Ցեղասպանության մասին հայտարարությունը

Թուրքիային դուր չի եկել Հռոմի Պապի Հայոց Ցեղասպանության մասին հայտարարությունը

Պաշտոնական Անկարային դուր չի եկել Հայոց Ցեղասպանության մասին Հռոմի Պապ Ֆրանցիսկոս Ա-ի հայտարարությունը:

«Թուրքիայի արտաքին գործերի նախարարությունն արդեն ներկայացրել է իր տեսակետը և հիասթափությունը Անկարայում և Հռոմում Վատիկանի ներկայացուցիչներին», – թուրքական Hurriyet Daily News-ին հայտնել է թուրք դիվանագետը, ով չի ցանկացել ներկայանալ:

Նշենք, որ Հռոմի Պապն իր հայտարարությունն արել էր հունիսի 3-ին Հայոց կաթոլիկ  եկեղեցու առաջնորդ պատրիարք Ներսես Պետրոս XIX-ի գլխավորած պատվիրակության հետ հանդիպման ժամանակ:

Պատվիրակության անդամներից մեկը նշել է, որ ինքը Ցեղասպանությունից տուժածների ժառանգ է, ինչին ի պատասխան Ֆրանցիսկոս Ա-ն ասել էր. «Հայերի ցեղասպանությունն առաջինն էր 20-րդ դարում»:

Խնդրի առնչությամբ Hurriyet Daily News-ը զրուցել է Հայ Առաքելական եկեղեցու Գուգարաց թեմի առաջնորդ Սեպուհ արքեպիսկոպոս Չուլջյանի հետ, ով նշել է, որ Հռոմի Պապը պատմական ճշմարտության մասին է խոսել:

«Թուրքիան պետք է չանտեսի ցավերը և առերեսի Ցեղասպանության փաստի հետ», – ասել է արքեպիսկոպոսը, ով, ի դեպ, ծնվել է Մալաթիա քաղաքում:

Tekali Taxi