Home / Հայաստան / Փաստաբանների պալատը չի միանում փաստաբանների գործադուլին

Փաստաբանների պալատը չի միանում փաստաբանների գործադուլին

Հայաստանի փաստաբանների պալատն ընդունում է, որ դատական համակարգում առկա են բազում խնդիրներ, սակայն պալատը չի միանում մի շարք փաստաբանների կողմից նախաձեռնած գործադուլին, որը անցկացվելու է այսօր և վաղը՝ հունիսի 10, 11-ին:

Նշենք, որ բողոքը վերաբերում է Վճռաբեկ դատարանի կողմից գործերը վարույթ ընդունելու հարցում դրսևորվող կայամականանություններին:

Փաստաբանների պալատի հայտարարության մեջ նշվում է, որ գործադուլը նախաձեռնվել է Պալատի ակումբի նիստում ընտրված հանձնախումբի հինգ անդամներից մեկի՝ Հայկ Ալումյանի կողմից, մինչդեռ մյուս չորս անդամները համաձայն չեն բողոքի ակցիայի անցկացման ժամանակի և որոշ պայմանների հետ: Վերջիններս առաջարկել են Նախագծերի պաշտոնական առաջարկություններ անել Կառավարությանը, սպասել նրա պատասխանին և ապա որոշել ակցիայի հարցը:

«Չնայած այն հանգամանքին, որ ներկա պահին մի խումբ փաստաբանների կողմից առանձին բողոքի ակցիա անցկացնելու փաստը կարող է որոշակի առումով խոչընդոտի հանձնախմբի կողմից կազմակերպվող բողոքի ակցիաների արդյունավետությունը, այնուամենայնիվ, փաստաբանների պալատի խորհուրդը փաստում է, որ օրենքով չարգելված ցանկացած բողոքի ակցիա իրականացնելը դա ցանկացած փաստաբանի կամ փաստաբանների խմբի իրավունքն է»,- ասված է պալատի տարածած հայտարարության մեջ:

Պալատի խորհուրդը այս հայտարարությամբ մերժել է գործադուլի նախաձեռնողներ փաստաբաններ Գևորգ Դավթյանի, Հայկ Ալումյանի և Անի Թորոսյանի դիմումը, համաձայն որի առաջարկվում էր Պալատի կողմից համացանցի և բջջային SMS հաղորդագրությունների միջոցով փաստաբաններին նախապատրաստվող ակցիայի
մասին անհատական ծանուցումներ ուղարկել, ինչպես նաև 2013թ. հունիսի 11-ին 300 հոգու համար նախատեսված դահլիճ վարձակալել:

Խորհուրդը, մինչդեռ, բավարարել է փաստաբանների դիմումը՝ գործադուլի մասին հայտարարությունը Պալատի կայքէջում տեղադրելու մասին:

Tekali Taxi