Home / Հայաստան / Ադրբեջանցի լրագրողից վրեժ են լուծում 15-ամյա «անառակ» աղջկա մասին հոդվածի համար

Ադրբեջանցի լրագրողից վրեժ են լուծում 15-ամյա «անառակ» աղջկա մասին հոդվածի համար

Հունիսի 14-ին առավոտյան ժամը 4-ի սահմաններում Ադրբեջանի Զարդոբի շրջանի բնակիչները հարձակում են գործել է AzNews.az-ի լրագրող Բահար Ռուստամլիի (լուսանկարում) ծնողների՝ Ալիբեյլի գյուղում գտնվող տան վրա:

Հարևան Ալիջանլի գյուղից եկած ամբոխը փորձել է կոտրել դուռը, լրագրողի հորը սպառնացել են դանակով ու ատրճանակով, իսկ ընտանիքի անդամների հասցեին հայհոյանքներ հնչեցրել: Հարձակվողներից մեկը սպառնացել է կտրել լրագրողի հոր կոկորդը:

AzNews.az-ը կարծում է, որ հարձակման պատճառ կարող էր դառնալ թղթակից Բահար Ռուստամլիի՝ կայքում տեղադրված «Ամոթալի  երևույթ Զարդոբում. վտարվել է 15-ամյա աղջիկը» հոդվածը:

Կայքը ենթադրում է, որ «վրեժի փորձի» հետևում կանգնած է Զարդոբի շրջանի գործադիր իշխանության ղեկավար Լյութֆալի Բաբաևը: Հրատարակությունն արդեն բողոք է ներկայացրել երկրի Ներքին գործերի նախարարություն:

Ստորև ներկայացվում է Ռուստամլիի հոդվածը.

Ամոթալի  երևույթ Զարդոբում. վտարվել է 15-ամյա աղջիկը

Դեռահասը մեղադրվում է անառակության մեջ

Ըստ Զարդոբի շրջանի Ալիջանլի գյուղից ստացված հաղորդագրության՝ 15-ամյա միայնակ աղջկանից պահանջել են հեռանալ գյուղից: Պատճառը անառակության մեջ մեղադրանքներն են:

Աղջկա վտարման մասին որոշման համար պատասխանատու է նաև շրջանի գործադիրր իշխանության ղեկավար Լյութֆելի Բաբաևը: Սրանից երկու օր առաջ շրջանի գործադիր իշխանության ներկայացուցիչները եղել են Ալիջանլի գյուղում և անցկացրել հանդիպում գյուղացիների հետ: Շրջանի ղեկավարությունը, ցանկանալով հարթել սկանդալային պատմությունը, որոշում է կայացրել աղջկա հետագա ճակատագրի մասին՝ «անբարոյական պահվածքի համար, պաշտոնական կարգով, 15-ամյա Լ.-ին հանձնել Զարդոբի շրջանի ոստիկանության բաժանմունք»:

Պարզվել է, որ աղջիկը ծնողազուրկ է, իսկ այժմ բնակություն է հաստատում գյուղի մոտակայքում գտնվող «այլասերվածության օջախում»: Գյուղում նման անձնավորության բնակվելը առաջացրել է բնակչության դժգոհությունը:

Շրջանի ոստիկանական բաժանմունքի քննիչ Մասուդ Ռահիմովն ասել է, որ այս հարցով բնակիչներից բողոքներ են ստացվել:

«Սակայն երեխայի վտարման և մանկատանը տեղավորելու համար անհրաժեշտ է որոշակի ընթացակարգերի անցկացում: Այդ պատճառով մեզ հասցեագրված բողոքները մենք ուղարկել ենք շրջանի գործադիր իշխանությունների ուսումնասիրությանը»: 

Tekali Taxi