Գալիք օրերին եղանակը փոփոխական կլինի․ որոշ շրջաններում սպասվում է թաց ձյուն

Ապրիլի 3-ին օրվա երկրորդ կեսին և 4-ի գիշերը Հայաստանի լեռնային շրջաններում Լոռիի, Տավուշի և Սյունիքի նախալեռնային գոտիներում սպասվում է թաց ձյուն, ճանապարհներին մերկասառույց, առանձին հատվածներում բուք և ցածր տեսանելիություն: ԱԻՆ հիդրոօդերևութաբանության և մոնիտորինգի պետական ծառայության փոխանցմամբ՝ ապրիլի 4-ի գիշերը շրջանների զգալի մասում, 4-ի ցերեկը, 6-ին, 7-ի գիշերը արևելյան շրջաններում, 8-ի երեկոյան ժամերին շրջանների զգալի մասում սպասվում են տեղումներ, 4-ին լեռնային և նախալեռնային գոտիներում` ձյուն:
5-ին, 7-ի ցերեկը, 8-ի գիշերը սպասվում է առանց տեղումների եղանակ:
Օդի ջերմաստիճանը ապրիլի 5-ին կբարձրանա 3-5 աստիճանով, 6-ին արևելյան շրջաններում նույնքանով կնվազի, 7-8-ին ամենուրեք կբարձրանա 5-7 աստիճանով: 

Երևանում ապրիլի 4-ի գիշերը, 6-ի երեկոյան ժամերին և 7-ի գիշերը հնարավոր է թույլ անձրև, 8-ի երեկոյան ժամերին սպասվում է կարճատև անձրև և ամպրոպ: 4-ի ցերեկը, 5-ին, 7-ի ցերեկը, 8-ի գիշերը սպասվում է առանց տեղումների եղանակ: