Home / Հայաստան / Թուրքիան նոր վարչապետ ունեցավ

Թուրքիան նոր վարչապետ ունեցավ

Թուրքիայի վարչապետի պաշտոնում նորընտիր նախագահ, դեռևս գործող վարչապետ Ռեջեփ Թայիփ Էրդողանին կփոխարինի Թուրքիայի արտաքին գործերի նախարար Ահմեդ Դավութօղլուն։ Այս մասին Էրդողանը հայտարարել է իշխող «Արդարություն և զարգացում» կուսակցության գործադիր մարմնի՝ օգոստոսի 21-ին կայացած նիստից հետո, փոխանցում է «Հյուրիեթ»-ը։

Էրդողանի խոսքով՝ իշխող կուսակցության՝ օգոստոսի 27-ին կայանալիք համագումարի ժամանակ Դավութօղլուն պաշտոնապես կհռչակվի Թուրքիայի նոր վարչապետ, ինչպես նաև՝ «Արդարություն և զարգացում» կուսակցության առաջնորդ։

Նշենք՝ Ռեջեփ Թայիփ Էրդողանը հաղթել է Թուրքիայում օգոստոսի 10-ին կայացած առաջին համաժողովրդական նախագահական ընտրություններում՝ հավաքելով ձայների 51,8 տոկոսն ու հաղթանակ գրանցելով ընտրությունների առաջին փուլում։ Նորընտիր նախագահի երդմնակալությունը տեղի կունենա օգոստոսի 28-ից հետո, երբ ավարտվեն գործող նախագահ Աբդուլլահ Գյուլի նախագահական լիազորությունները։