Home / Հայաստան / «Հիմնադիր խորհրդարանը» ապրիլի 17-ին Ազատության հրապարակում հանրահավաք է հրավիրում

«Հիմնադիր խորհրդարանը» ապրիլի 17-ին Ազատության հրապարակում հանրահավաք է հրավիրում

Ապրիլի 17-ին, ժամը 18:30-ին «Հիմնադիր խորհրդարան» նախաձեռնության «100-ամյակը առանց ռեժիմի» շարժումն Ազատության հրապարակում հանրահավաք է հրավիրում, որին երթ կհաջորդի։

Նախաձեռնությունը հանրահավաքն անցկացնում է ի նշան «բռնադատվածներին և նրանց մարմնավորած պայքարի նկատմամբ համերաշխության և պայքարը շարունակելու վճռականության վերահաստատման»։

Նախաձեռնությունը հանրահավաք կանցկացնի նաև ապրիլի 24-ին «Էրեբունի» թանգարանի հարակից հրապարակում։

«Եվս մեկ անգամ հայտարարում ենք, որ մեր քայլերը և գործողությունները ամբողջությամբ լինելու են Սահմանադրության և օրենքների շրջանակներում, իսկ ապրիլի 24-ին առհասարակ չի կատարվելու որևէ գործողություն, որը կարող է վտանգել Ցեղասպանության զոհերի հիշատակին նվիրված միջոցառումների անցկացումը», ֊ մասնավորապես, ասված է նախաձեռնության հայտարարության մեջ:

Հիշեցնենք, որ ապրիլի 7-ին ձերբակալվել էին նախաձեռնության 6 անդամներ։ Նրանցից 5-ին՝ Ժիրայր Սեֆիլյանին, Վարուժան Ավետիսյանին, Պավել Մանուկյանին, Գարեգին Չուգասզյանին, Գևորգ Սարֆարյանին կալանավորել են զանգվածային անկարգությունների նախապատրաստման մեղադրանքով, իսկ Արամ Հակոբյանին մեղադրել են ապօրինի զենք֊զինամթերք պահելու մեջ ու ազատ արձակել գրավի դիմաց։

Tekali Taxi