Home / Հայաստան / Հայաստանում աշխատունակ մարդկանց թիվը պակասել է․ «Ժողովուրդ»

Հայաստանում աշխատունակ մարդկանց թիվը պակասել է․ «Ժողովուրդ»

Անցած տարվա ընթացքում Հայաստանի աշխատանքային ռեսուրսը նվազել է, ոչ ավել, աչ պակաս, 190 հազար 700 մարդով, գրում է «Ժողովուրդ» օրաթերթը՝ վերլուծելով պաշտոնական վիճակագրությունը։ Թերթն ընդգծում է՝ թեև այդ տվյալները վերաբերում են անցած տարվան, դրանք հրապարակվել են ընդամենը երեք օր առաջ։

Այսպես՝ 2014-ի սկզբին Հայաստանի աշխատանքային ռեսուրսը կազմել է 2 միլիոն 326 հազար 200 մարդ, այսինքն՝ այդքան մարդ, ըստ պաշտոնական վիճակագրության, ի վիճակի էր աշխատել և ինչ֊որ բան ստեղծել։ Ընդ որում, այս թիվն իր մեջ ներառում է Հայաստանի 15-ից 75 տարեկան բոլոր աշխատունակ քաղաքացիներին։ 2014 թվականի վերջին պարզվում է՝ Հայաստանի աշխատանքային ռեսուրսը կազմել է 2 միլիոն 135 հազար 500 մարդ։

Պաշտոնական տվյալների համաձայն, 2014 թվականի սկզբում Հայաստանի զբաղված բնակչության թիվը կազմել է 1 միլիոն 175 հազար 800 մարդ, իսկ արդեն տարեվերջին աշխատանք ունեցողների թիվը կազմել է 1 միլիոն 111 հազար 700 մարդ։ Փաստորեն, մեկ տարում աշխատանք ունեցողների թիվը պակասել է 64 հազար 100-ով։

«Այն, որ անցած տարվա ընթացքում բազմաթիվ ընկերություններն ամեն կերպ կրճատում են իրենց աշխատողների թվաքանակը, դա հայտնի իրողություն է, և պայմանավորված էր ՀՀ իշխանությունների վարած հարկային և տնտեսական քաղաքականությամբ։ Այս փաստը չտեսնելու են տալիս միայն իշխանությունները, սակայն, ինչպես տեսնում եք, իրենց պաշտոնական վիճակագրությունը ևս վկայում է, որ զբաղմունք ունեցողների թիվն էապես նվազել է», ֊ գրում է թերթը։

Հոդվածն ամբողջությամբ՝ թերթի այսօրվա համարում

Tekali Taxi