Home / Հայաստան / Ինչու Հայաստանում էլէներգիան չի կարող Վրաստանից ու Ռուսաստանից թանկ լինել

Ինչու Հայաստանում էլէներգիան չի կարող Վրաստանից ու Ռուսաստանից թանկ լինել

Հայաստանում էլէլեկտրաէներգիան չի կարող ԱՊՀ այլ երկրներից ավելի թանկ լինել։ «Իրազեկ քաղաքացիաների միավորում» հասարակական կազմակերպությունը հայտարարություն է տարածել, որը հիմնավորում է վերոնշյալը։

ՀԿ֊ն ընդծում է, որ երեկ Հանրային ծառայությունները կարգավորող հանձնաժովողը տարածած հաղորդագրության մեջ նշել էր, թե Ռուսաստանը, Վրաստանը, Ղրղզստանը և Տաջիկստանն ունեն ավելի մեծ հիդրոպոտենցիալ, քան Հայաստանը: Բացի դա, Ռուսաստանը, Թուրքմենստանը, Ղազախստանը, Ուզբեկստանը, Ուկրաինան և Ադրբեջանը ունեն բնական գազի պաշարներ, իսկ Ռուսաստանն ու Ուկրաինան սուբսիադավորում են էլեկտրաէներգիա բաշխող կազմակերպություններին, ինչն, ըստ ՀԾԿՀ-ի, ևս ազդում է այն հանգամանքի վրա, որ այդ երկրներում էլեկտրաէներգիան ավելի էժան է:

«Այդ կապակցությամբ հարկ ենք համարում հայտնել․

1. Հայաստանը հետխորհրդային տարածքում զբաղեցնում է 2-րդ հորիզոնականը միջուկային էներգիայի տեսակարար կշռով (զիճելով միայն Ուկրաինային), իսկ այդ էներգիան դասվում է ամենաէժան էներգիաների թվին (Ատոմակայանը 1 կՎտ/ժ-ը վաճառում է ընդհամենը 8 դրամով):

2. Հայաստանում արտադրված ջերմային էլեկտրաէներգիայի մեծ մասնը պարզապես անվճար է, քանի որ ստացվում է Իրանի հետ բարտեռի միջոցով: Մասնավորապես, Իրանից մատակարարվում է բնական գազ, որից ստացվում է շուրջ 4,6 կՎտ/ժ հոսանք: Այդ ստացված էլեկտրաէներգիայի միայն 3 կՎտ/ժ-ն է վերադարձվում Իրանին, իսկ մնացածը, շուրջ 2-3 դրամ ինքնարժեքով մտնում ներքին ցանցեր:

3. Հայաստանի սահմանին բնական գազի գինը 190 դոլար է 1000 խորանարդ մետրի համար: Թեև բաժանորդին հասցնելուց այդ գինը զարմանալիորեն շատ է աճում, սակայն, հետխորհրդային երկրներից շատերը գազը գնում են ավելի թանկ և հետևապես այդ երկրներում (Մոլդովա, մերձբալթյան երկրներ) նաև շատ ավելի թանկ է ջերմակայաններով արտադրվող էլեկտրաէներգիայի ինքնարժեքը:

4. Թեև կան հետխորհրդային երկրներ, որտեղ իրոք մեծ է հիդրոպոտենցիալը, սակայն այն փոքր չէ նաև Հայաստանում: Մեր երկրում արտադրված էլեկտրաէներգիայի 30 տոկոսը գալիս է ՀԷԿ-երից, որոնց տված կՎտ/ժ-ի միջին սակագինը շուրջ 7 դրամ է:

5. Հայաստանը ստիպված չէ այլ երկրներից էլեկտրաէներգիա գնել, ի տարբերություն հետխորհրդային այլ երկրների, որտեղ, ի հեճուկս այդ հանգամանքի, էլեկտրաէներգիան ավելի էժան է:

6. Հայաստանում բավականին մեծ է բնակչության խտությունը, ինչը համեմատաբար հեշտացնում (էժանացնում) է էլեկտրաէներգիայի բաշխման ու բնակչին հասցման գործառույթը»,- ասված է հաղորդագրության մեջ: 

Tekali Taxi