Home / Մարզեր / Բողոքի ակցիաներ Իրանում․ կան տուժածներ

Բողոքի ակցիաներ Իրանում․ կան տուժածներ

Իրանում բողոքի ակցիաներ են՝ վերջին օրերին երկրում բենզինի գների կտրուկ բարձրացումների հետ կապված, որոնք պայմանավորված են ԱՄՆ կողմից Իրանի նկատմամբ սահմանված պատժամիջոցներով։

Որոշումը, որը կայացվել էր նոյեմբերի 15-ին, սուբսիդիաների կրճատում է ենթադրում, ինչի արդյունքում գները բարձրանում են նվազագույնը 50 տոկոսով։ Սուբսիդիաների կրճատումն արվում է աղքատ իրանցիների համար կանխիկ գումարի հավաքագրման նպատակով, ինչը, սակայն, ազդում է ողջ բնակչության վրա։

Նախագծի որոշումն ընդունվել է Տնտեսական համակարգման գերագույն խորհրդի կողմից, որի կազմում են նախագահ Հասան Ռոհանին, դատական ղեկավար Էբրահիմ Ռաիսին և խորհրդարանի խոսնակ Ալի Լարիջանին:

Մարմնի որոշմամբ, մասնավոր օգտագործման համար նախատեսված տրանսպորտային միջոցները սահմանափակվելու են ամսական 60 լիտր վառելիքով, իսկ բենզինի գինը աճելու է 50 տոկոսով՝ հասնելով 15,000 իրանական ռիալի (0,13 դոլար բաց շուկայական փոխարժեքներով)՝ մեկ լիտրի համար: Վառելիքի նախատեսվածից ավելի մեծ քանակ ձեռք բերելու համար անհրաժեշտ է 30 000 ռիալ (0.26 դոլար) վճարել մեկ լիտրի համար:

Անգամ այսպիսի որոշումից հետո բենզինն Իրանում շարունակում է մնալ ամենաէժանը ողջ աշխարհում։

Կառավարության նման անսպասելի որոշումը հանրության շրջանում դժգոհություն առաջացրեց․ վարորդները զանգվածաբար սկսեցին մեքենաները մայրուղիներում թողնել ու փակել միջպետական նշանակության ճանապարհները։

Անվտանգության ծառայության տվյալներով ցույցերին մասնակցում է շուրջ 87,000 մարդ։ Ցուցարարները կրակ են բացում բանկերի ու խանութների ուղղությամբ, մոտ 1000 մարդ բերման է ենթարկվել, երկուսը՝ ներառյալ մեկ ոստիկան, սպանվել են։

Tekali Taxi