Home / մարտի-1 / Քոչարյանականները փորձում են կաշառել Մարտի 1-ի տուժածներին ու վկաներին․ ոստիկանություն

Քոչարյանականները փորձում են կաշառել Մարտի 1-ի տուժածներին ու վկաներին․ ոստիկանություն

Հայաստանի երկրորդ նախագահ, Մարտի 1-ի գործով սահմանադրական կարգի տապալման մեջ մեղադրվող Ռոբերտ Քոչարյանի աջակիցները հանդիպում են 2008 թվականի մարտի 1-ի դեպքերից տուժած անձանց և ականատես վկաների հետ և փորձում են կաշառել նրանց, որպեսզի վերջիններս հրաժարվեն իրենց ցուցմունքներից, հայտնում է Ոստիկանությունը։

Ոստիկանության տարածած հաղորդագրության համաձայն, «Քոչարյանի աջակիցներից մեկը Քանաքեռում գտնվող իր գրասենյակ է հրավիրել մարտի 1-ի դեպքերից տուժած անձանցից մեկին ու առաջարկել հրաժարվել տուժողի կարգավիճակից, տված ցուցմունքից և չներկայանալ դատական նիստերին՝ հայտնելով, որ պատրաստ է վճարել այն գումարը, որը պետք է պետությունը տրամադրի որպես դրամական աջակցություն։ Բացի այդ խոստացել է, որ իշխանափոխությունից հետո տուժողին կնշանակեն բարձր պաշտոնի»։

Դեպքի առթիվ Ոստիկանությունում քրեական գործ է հարուցվել։ Քրեական գործի շրջանակներում ի թիվս այլ գործողությունների կատարվել են խուզարկություններ։ Հանգամանքները քննությամբ պարզվում են։

Ոստիկանության տարածած տեսանյութը՝ ստորև․

Tekali Taxi