Գլխավոր / Մարզեր / Պակիստանում ուղևորափոխադրող ինքնաթիռ է վթարի ենթարկվել

Պակիստանում ուղևորափոխադրող ինքնաթիռ է վթարի ենթարկվել

Այսօր Կարաչիի միջազգային օդանավակայանի շրջանին մոտ վթարի է ենթարկվել «Պակիստանի միջազգային ավիագծեր» ընկերության ինքնաթիռը: Նշվում է, որ ինքնաթիռը վայրէջքի էր պատրաստվում։

Պակիստանի պետական հեռուստաալիքներով կադրեր են ցույց տվել, որոնց համաձայն ինքնաթիռն ընկել է քաղաքի բնակելի գոտում։ Ընկերության ներկայացուցիչը փոխանցել է, որ A320 Airbus տեսակի օդանավում վթարի պահին 99 ուղևոր և անձնակազմի 8 անդամ է եղել:

Դեպքի վայր են ժամանել Պակիստանի բանակային ստորաբաժանումները, արտակարգ իրավիճակների ծառայության խմբերն ու տեղական պաշտոնյաները:

Աղետի հնարավոր պատճառի և զոհերի կամ վիրավորների մասին տեղեկություններ դեռևս չկան:

«Ինքնաթիռը Կարաչիում է ընկել։ Փորձում ենք ճշտել ուղևորնրի հստակ թիվը։ Նախնական տվյալներով օդանավում 99 ուղավոր և անձնակազմի 8 աշխատող է եղել», – պատմել է Քաղավիացիայի ներկայացուցիչ Աբդուլ Սաթար Կոհարը։ Նրա փոխանցմամբ, ինքնաթիռը Կարաչի գալիս էր Լահորից։

Ինքնաթիռի հետ կապն ընդհատվել է վայրէջքից մեկ րոպե առաջ։

Tekali Taxi