Հայաստանի պետական սահմանն ապօրինի հատելու համար ադրբեջանցի է ձերբակալվել. ԱԱԾ

Հայաստանի Հանրապետության պահպանվող պետական սահմանը ապօրինի հատելու համար ձերբակալվել է մեկ անձ, հարուցվել է քրեական գործ:

Այս մասին 1lurer.am-ին հայտնել են ԱԱԾ մամուլի ծառայությունից՝ հաստատելով տեղեկությունն այն մասին, որ Տավուշի մարզի Բերդավան համայնքում դեկտեմբերի 9-ի լույս 10-ի գիշերը ադրբեջանցի էր հայտնվել:

«Ապօրինի կերպով հատել է ՀՀ պահպանվող պետական սահմանը: Այդ մասին ստացվել են օպերատիվ տվյալներ, որոնողական աշխատանքների արդյունքում այդ անձը հայտնաբերվել է, հարուցվել է քրգործ, անձն ունի կասկածյալի կարգավիճակ, ձերբակալված է»,- տեղեկացրեցին ԱԱԾ-ից: