Ռուսաստանը արտաքսել է շվեդ, լեհ և գերմանացի դիվանագետներին

Ռուսաստանի իշխանությունները  եվրոպացի երեք դիվանագետներին ճանաչել են persona non grata. մոտակա ժամանակներում նրանք կարտաքսվեն։

Շվեդիայի, Լեհաստանի և Գերմանիայի դիվանագիտական ներկայացուցչության աշխատակիցները, ըստ ՌԴ արտգործնախարարության, մասնակցել են հունվարի 23-ի բողոքի ցույցերին՝ ի աջակցություն ընդդիմադիր Ալեքսեյ Նավալնու։

Ինչպես նշվում է երկրի ԱԳՆ հաղորդագրության մեջ՝ «կանչվել են Շվեդիայի Թագավորության դեսպանը, Լեհաստանի Հանրապետության հարցերով ժամանակավոր հավատարմատարը և Գերմանիայի Դաշնային Հանրապետության դեսպանատան սուրհանդակը»։

Արտաքսման որոշման նույն օրը Ռուսաստան է այցելել Եվրամիության արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելը։