Epress.am Լուրեր Հայաստանից
Ռուսաստանի գրեթե բոլոր խոշոր քաղաքներում այսօր բողոքի ցույցեր էին։ Տասնյակ հազարավոր մարդիկ դուրս են եկել փողոց՝ սատարելու մահափորձից հետո Ռուսաստան վերադարձած և օդանավակայանից ձերբակալված Ալեքսեյ Նավալնուն։
Նավալնու շտաբը հայտարարել էր, որ բողոքի ցույցեր են լինելու ավելի քան 60 քաղաքներում։ Ընդդիմության առաջնորդներից և տարածքային շտաբերի համակարգողներից մոտ 40-ը, այդ թվում՝ Նավալնու խոսնակ Կիրա Յարմիշը, իրավաբաններ Գեորգի Ալբուրովը և Վլադլեն Լոսը, ձերբակալվել են նախապես․ ըստ լրատվականների, թիրախային ձերբակալությունները շարունակվում են նաև հունվարի 23-ի ընթացքում։
Վաղ առավոտից (Երևանի ժամանակով) հանրահավաքներն ու քայլերթերը մեկնարկել են Սիբիրում, ավելի ուշ՝ նաև կենտրոնական, հարավային Ռուսաստանում։ «ОВД-инфо»-ի փոխանցմամբ, Ռուսաստանի 114 քաղաքներում տեղի ունեցած ցույցերից բերման է ենթարկվել նվազագույնը 2662 հոգի, որոնցից 1045-ը՝ Մոսկվայում, 378-ը՝ Սանկտ Պետերբուրգում։
Նավլանու տարածքային շտաբների տասնյակ անդամներ ձերբակալված են․ շատերի նկատմամբ դատարանն արդեն իսկ կալանավորման որոշում է կայացրել։ Բերման է ենթարկվել Նավալնու կինը՝ Յուլիա Նավալնայան։ Ձերբակալվել է նաև Լյուբով Սոբոլը։ Տիպային է, օրինակ, Կուրգանի շտաբի համակարգողի հապճեպ կալանավորումը․ բերման ենթարկված Ալեքսեյ Շվարցի դատական նիստը անցել է սկայպով՝ անմիջապես ոստիկանական բաժանմունքից։ Հեռավար կոնֆերանսին միացած դատավորը վճռել է նրան կալանավորել 30 օրով։
Պրովինցիալ քաղաքներում իրադրությունն ավելի հանգիստ էր, խոշոր քաղաքներում ոստիկանությունը հիմնականում կոշտ է գործել։ Վլադիվոստոկում, օրինակ, քաղաքացիական հագուստով սադրիչները բախում են հրահրել, որին հաջորդել են բռնի ձերբակալությունները։ Մոսվայում և Սանկտ Պետերբուրգում տեղ-տեղ ծեծուջարդ էր․ մահակների տակ էին ընկնում ոչ միայն ցուցարարները, այլև լրագրողները։
Силовики под фразу "Мы делаем все, чтобы обеспечить вашу безопасность" из громкоговорителя дубинками избивают протестующих в Москве pic.twitter.com/2HhKcIcG8r
— Настоящее Время (@CurrentTimeTv) January 23, 2021
Մոսկվա, ոստիկանները «ապահովում են ցուցարարների անվտանգությունը»
Լրատվամիջոցները հայտնում են հարյուրավոր վարչական և տասնյակ քրեական գործերի մասին։ Կառավարական լրատվամիջոցները օրվա ընթացքում էին «ցուցարարների գործողություններից տուժած» տասնյակ իրավապահների մասին։ Քրեական գործերի մեծ մասը հարուցվել է ոստիկանի նկատմամբ բռնություն գործադրելու հատկանիշներով։ Վարչական ակտերը՝ տարբեր հիմքերով։ Բողոի ցույցերը համարվում էին «չատոնված»։
У цирка на Трубной полицейских забросали снежками, те явно растерялись
Видео: Юля Сугуева / Медиазона pic.twitter.com/QRkpJygSfN
— Медиазона (@mediazzzona) January 23, 2021
Մեդիազոնա, Մոսկվա, ցուցարարները «բռնության են ենթարկում» իրավապահներին
Կան բերման ենթարկված երեխաներ։
На Пушкинской площади в Москве поймали самого опасного оппозиционера.
ТГК «Дабл Ять»
🤦🏼♀️ ѣѣ pic.twitter.com/mBfra8BLnA— Alexander Reza 112+ (@volk2003) January 23, 2021
Ցուցարարների շրջանում կան տասնյակ վիրավորներ։
Уже 2250 человек задержаны. Собрали информацию про избиения, журналистов и несовершеннолетних pic.twitter.com/3BjOmHv4j0
— ОВД-Инфо (@OvdInfo) January 23, 2021
Ռուսական լրատվականների հաղորդմամբ՝ այսօրվա բողոքի ակցիաները ռեկորդային էին ոչ միայն մասնակիցների քանակի, այլև դրանց աշխարհագրության տեսանկյունից։ Հստակ թվեր չեն նշվում։ Ըստ Reuters-ի, միայն Մոսկվայում փողոց է դուրս եկել շուրջ 40 հազար մարդ (BBC-ին նշում է, որ նվազագույնը 25 հազար)։ Զանգվածային ցույցեր են եղել անգամ այն քաղաքներում, որտեղ օդի ջերմաստիճանը մոտ էր -30-ին։ Դաշտային հարցումների համաձայն («Мониторинга актуального фольклора», «Белого счетчика»)՝ ցուցարարների մոտ 40%-ը նշել է, որ ընդդիմության հանրահավաքներին մասնակցում է առաջին անգամ։
Ընթացիկ թարմացումները հրապարակվել են Epress.am-ի տելեգրամ ալիքում՝ https://t.me/epressam