Հայաստանի տարածքով շուրջ 33 արկղ (փաթեթավորման հետ միասին՝ շուրջ 365 կգ) հերոին են փորձել տեղափոխել 18 600 կգ բեռի կազմում՝ հայտարարագրելով թմրամիջոցը որպես խմորիչ, հաղորդում է Պետական եկամուտների կոմիտեն։
Հայտնաբերված հերոինի շուկայական արժեքը մոտ 45 մլն ԱՄՆ դոլար է։ Սա 2014 թվականից հետո հայաստանյան իրավապահների կողմից հայտնաբերած ամենախոշոր դեպքն է:
Հաղորդագրության համաձայն՝ հերոինը նախատեսված էր խմորչի փաթեթավորմամբ Իրանից հասցնել Արևմտյան Եվրոպա։
Դեպքի առթիվ ՊԵԿ քննչական վարչությունում հարուցվել է քրեական գործ` Քրեական օրենսգրքի 267.1 (Թմրամիջոցներ կամ հոգեմետ նյութեր ձեռք բերելու, պահելու, հաշվառելու, բաց թողնելու, փոխադրելու կամ առաքելու կանոնները խախտելը) և 266 (Թմրամիջոցների ապօրինի շրջանառությունն իրացնելու նպատակով կամ դրանց ապօրինի իրացնելը) հոդվածների հատկանիշներով: Ձերբակալվել է տարբեր քաղաքացիություններ ունեցող 6 մարդ։