Home / Առողջապահություն / Մասամբ կասեցվել է «Կոտայք» գարեջրի գործարանի աշխատանքը

Մասամբ կասեցվել է «Կոտայք» գարեջրի գործարանի աշխատանքը

Սննդամթերքի անվտանգության տեսչական մարմնի Կոտայքի և Արարատի մարզային կենտրոնների տեսուչները ուսունասիրություններ են իրականացրել Աբովյանի «Կոտայք» գարեջրի գործարանում և անհատ ձեռնարկատեր Գրիգոր Սահրադյանին պատկանող Մասիսի հացի արտադրամասում:

Արդյունքում, սանիտարահիգիենիկ նորմերին չհամապատասխանելու հիմքով, կասեցվել է «Կոտայք» գարեջրի գործարան ՍՊԸ գործունեության առանձին գործառույթը՝ ապակյա շշերով գարեջրի արտադրամասի արտադրական գործունեությունը, ինչպես նաև հացի արտադրամասի գործունեությունն ամբողջությամբ, որտեղ, բացի սանիտարահիգիենիկ նորմերի խախտումները, նաև վարչատնտեսական, կենցաղային և օժանդակ հատվածներն առանձնացված չեն եղել սննդամթերքի պահպանման հատվածից, իսկ սննդի շղթայում ներգրավված աշխատակիցները ենթարկված չեն եղել նախնական և պարբերական բժշկական զննությունների և չեն ունեցել սանիտարական գրքույկներ:

Խախտումների վերացման համար ժամկետ է սահմանվել, հայտնում են տեսչությունից:

Tekali Taxi