Կասկածելի ադրբեջանական դիվերսիան․ զրույց հետախույզների հետ

Այս շաբաթվա գլխավոր թեմաներից է դարձել «ադրբեջանական դիվերսիան»։ «Դիվերսանտները» կորուստներ էին կրում, սակայն օրեր շարունակ չէին լքում Հայաստանի և Ղարաբաղի տարածքը՝ թույլ տալով ՀՀ ԶՈՒ և ԼՂՀ ՊԲ-ին «չեզոքացնել» իրենց։ «Դիվերսանտներից» մեկը բռնվել է, մյուսը` սպանվել՝ հասցնելով գնդակահարել 42-ամյա մայոր Սարգիս Աբրահամյանին և վիրավորել 37-ամյա Կարինե Դավթյանին։ Վարդենիսի և Քելբաջարի բնակչությունը շարունակում է տագնապի մեջ մնալ։ Լուրեր են շրջանառվում, որ ադրբեջանցիները դեռ չեն լքել Հայաստանը և Ղարաբաղը։ Չնայաց այդ ամենի՝ բանակի ղեկավարները մնում են իրենց պաշտոններին։ Այս ամենի մասին Epress.am-ի խմբագրությունում զրուցեցինք պատերազմի մասնակիցների հետ` Սուրեն Կարապետյանի՝ «Հետախույզ վետերանների միություն» ՀԿ նախագահ, Արա Խուդավերդյանի՝ «Կոռնիձոր» ջոկատի հրամանատար, Արթուր Բունիաթյանի՝ «Հետախույզ վետերանների միության» անդամ։