Առաքելական եկեղեցին, Եհովայի վկաները և բանակը. իրավապաշտպանը մեկնաբանում է
1998 թվականից ՀՀ կառավարության որոշմամբ զինծառայությունից ազատվել են կամ տարկետում են ստացել Առաքելական եկեղեցու 625 սպասավորներ, իսկ զինծառայությունից հրաժարվելու պատճառով ազատազրկման են դատապարտվել 444 «Եհովայի վկաներ» կրոնական կազմակերպության ներկայացուցիչներ: Այս մասին Facebook սոցիալական ցանցի իր էջում գրել է Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան Արթուր Սաքունցը՝ նշելով, որ այդ մասին վկայում են իր ղեկավարած կազմակերպության տվյալները:
«Իսկ հանրային մակարդակում անընդհատ շեփոհարում են, թե Եհովայի վկաները քայքայում են բանակը, ազգային շահերի դեմ են դուրս գալիս և այլն... թվերը բոլորովի այլ պատկեր են ներկայացնում», - նշել է Արթուր Սաքունցը:
Իր գրառման մեկնաբանության մեջ Սաքունցն ընդգծում է նաև, որ «ըստ կարգավիճակի մեկին քաղցր աչքով են նայում, մյուսին դառը...»:
«Է հետո՞: Բա խտրականության դեմ են խոսում, իսկ սա ի՞նչ է», - գրել է իրավապաշտպանը:
