Գլխավոր / Հայաստան / «Ընդամենը կարող են կծել իմ…». Հախվերդյանի պարզաբանումը

«Ընդամենը կարող են կծել իմ…». Հախվերդյանի պարզաբանումը

Երգահան Ռուբեն Հախվերդյանը` 15 րոպե շուտ ներկայանալով լրագրողների հետ հանդիպմանը, կատակեց, որ կարելի է հասցնել «մի հատ գցել»:

Ասուլիսը սկսելուց հետո Հախվերդյանը հայտարարեց, որ որևէ պաշտոնական հարցում Թուրքիայից չի ստացել և բացահայտ սուտ է համարել իր երգերի թողարկման հետ կապված պայմանագրի կնքման մասին լուրերը:

«Սա մեծ աղմուկ է ոչնչից: Հայկոն կամ Պողոսը, Պետրոսը աղավաղում է իմ երգերը: Իմ երգարվեստի մեջ բառերը մեծ նշանակություն ունեն: Եթե բառերի տեղերն են փոխում կամ ուրիշ բառ են օգտագործում, ավելի լավ չի՞

մաքուր թուրքերենով իմ ասացն ասեն, քան թե հայերեն աղավաղեն իմ երգերը», – ասաց Հախվերդյանը:

Երգչի խոսքով, եթե նրան նման խնդրանքով դիմեին, նա չէր արգելի, որովհետև մշակութային սահմաններ չկան: Փոխարենը նա ադնրադարձավ ռեստորաններում հնչող երաժշտությանը.

«Ռեստորաններից թրքաձև երաժշտություն է լսվում: Չմոռանանք, որ այն ժամանակ, երբ մենք Beatles էինք լսում, ճաշակ էինք սովորում, դեռ քիթ-կոկորդ-ականջ եղունգով մարդիկ կային», – ասաց երգահանը` ճկույթը տանելով դեպի իր քիտն ու ականջը:

Հախվերդյանի խոսքով` չի կարելի կուրորեն ատել որևէ ազգի.

«Ֆաշիստական Գերմանիայում մի հատ իդիոտ ձեռքը բարձրացնում էր վերև և միլիոնավոր մարդիկ նույն շարժումն էին անում»:

Նա ֆաշիստական երևույթ համարեց ժողովրդի կամ ազգի ամբոխ դառնալը:

Հարցին, այնուամենայնիվ, կնքվել է հեղինակային իրավունքի հետ կապված որևէ պայմանագիր, թե ոչ, Հախվերդյանն ասաց.

«Ոչ, նետ, յոխ, Էդպիսի բան չկա: Եվ էն իդիոտը, որ թուրքական բանով ա ինձ նկարել «Իրավունք» թերթում, թող հասկանա, թե բանն ինչում է: Վռազ-վռազ թող չսկսեն ինձ հոշոտել: Ընդամենը կարող են կծել իմ…մատը»:

Tekali Taxi