ՀԱԿ-ը հանդես կգա ալտերնատիվ առաջարկներով

Հայ Ազգային Կոնգրեսի համակրգող Լևոն Զուրաբյանը Epress.am-ի հետ զրույցում տեղեկացրել է, որ սեպտեմբերի 17-ի հանրահավաքի ժամանակ այլ հարցերի թվում ընդդիմության ներկայացուցիչները անդրադառնալու են Ադրբեջանի ՄԱԿ-ում ներկայացված բանաձևին:

«Հնարավոր է, որ մենք մինչ այդ հանդես գանք մեր ալտերնատիվ քաղաքական քայլերով, առաջարկներով այն մասին, թե ինչպես պետք է գործեր արտաքին գործերի գերատեսչությունը: Մենք հիմա բոլոր հարցերում աշխատում ենք կատարել ստվերային կառավարության դերը: Ցանկացած բնագավառում մենք հանդես ենք գալիս մեր ալտերնատիվ առաջարկներով»,- ասել է Լևոն Զուրաբյանը և հավելել, որ իր այսօրվա  ասուլիսի  ժամանակ անդրադառնալու է նաև այդ թեմային: