Գլխավոր / Армения / Դավիթ Շահնազարյան. Իշխանություններն արդեն գնում են բարոյական զիջումների

Դավիթ Շահնազարյան. Իշխանություններն արդեն գնում են բարոյական զիջումների

Հայ ազգային կոնգրեսի ներկայացուցիչ Դավիթ Շահնազարյանն այսօր իր ելույթում նշեց, որ ընդդիմությունը երկու ելք ունի` հաղթանակ և հաղթանակ: Շահնազարյանն անդրադարձավ արտաքին քաղաքականության խնդիրներին, մասնավորապես, ղարաբաղյան հակամարտությանը:

«Հայաստանի իշխանությունների գործողությունները ղարաբաղյան խնդրի կարգավորման հարցում հասցրել են այն վիճակի, երբ իշխանությունների գնում են ոչ միայն քաղաքական, այլ նաև բարոյական զիջումների», – հայտարարել է Շահնազարյանը:

Նա ասել է, որ առաջին անգամ ԵԱՀԿ Մինսկի խմբի հայտարարության մեջ Լեռնային Ղարաբաղի մայրաքաղաքի հայկական` Ստեփանակերտ անվան հետ օգտագործվել է Խանքենդի ադրբեջանական անվանումը:

«Բայց 1992 թվականից Հայաստանը պայմանավորվածություն էր ձեռք բերել, որ միջազգային փաստաթղթերում օգտագործվելու են միայն 1988թ. առաջ եղած հատուկ անունները: Այդ իրավիճակը փոխելը Ադրբեջանի վաղեմի երազանքն էր: Հայաստանի ու, ցավոք, Լեռնային Ղարաբաղի իշխանությունները համաձայնություն են տվել, որ ՄԱԿ-ի միջազգային դիտորդական խումբն այցելի ԼՂՀ-ի ուժերի վերահսկողության տակ գտնվող տարածքներ: ՀԱԿ-ի դիրքորոշումն է, որ դա կարելի էր թույլ տալ միայն այն դեպքում, եթե դիտորդական խումբն այցելեր նաև Ադրբեջանի կողմից Ղարաբաղի օկուպացված տարածքներ: Այսինքն այսօր Բաքուն է թելադրում կարգավորման խաղի կանոնները», – բացատրել է ընդդիմադիր գործիչը:

Շահնազարյանը նշել է, որ այդ պատճառով «ՀԱԿ-ն առաջարկել է իր բանաձևի նախագիծը, որը թույլ կտա Հայաստանին ոչ միայն խուսափել նոր զիջումներից, այլև դնել Ադրբեջանը բարդ մի իրավիճակի մեջ, երբ մենք կվերադառնանք պատերազմի իրական պատճառներին, իսկ դա Ադրբեջանի ագրեսիան էր»:

Շահնազարյանի խոսքով` արտաքին գործերի նախարարությունն անտեսեց Կոնգրեսի առաջարկը, քանի որ մտածում է «էլ ինչ զիջումների գնա, որպեսզի այօրվա իշխանությունը մնա իր աթոռին»:

Tekali Taxi