Գլխավոր / Հայաստան / Մարսելի փոխքաղաքապետի նպատակն էր Սևանի ափին որդուն կնքելը

Մարսելի փոխքաղաքապետի նպատակն էր Սևանի ափին որդուն կնքելը

Հոկտեմբերի 12-16-ը Ստեփանակերտւմ կայանալիք լրագրողների համահայկական հինգերրորդ «21 դարի մարտահրավերները. Տեղեկատվական անվտանգությունը և հայ լրագրությունը» համաժողովին կմասնակցեն ավելի քան 200 սփյուռքահայ և հայաստանցի լրագրողներ: Այս մասին Հայ-ֆրանսիական առևտրաարդյունաբերական պալատի փոխնախագահ Դիդիե Փարաքյանի հետ համատեղ մամուլի ասուլիսին հայտարարեց ՀՀ սփյուռքի նախարար Հրանուշ Հակոբյանը:

Նրա խոսքով` մասնակիցները կժամանեն մոտ 25 երկրներից. «Կարևորն այն է, որ համաժողովը մենք կազմակերպում ենք Լեռնային Ղարաբաղում, որպեսզի մեր լրագրողները մոտիկից ծանոթանան Լեռնային Ղարաբաղին և կարողանան իրենց հետագա գործունեության մեջ ինչպես հարկն է ներկայացնել Ղարաբաղի հիմնախնդիրը»:

Իսկ հոկտեմբերի 17-19-ը Երևանում տեղի կունենա հայ բանկիրների և ֆինանսիստների առաջին համաժողովը, որը, Հակոբյանի խոսքով, ևս 100 մասնակից կունենա` Հայաստանից և սփյուռքից:

Խոսելով միջոցառման առավելությունների մասին` նախարարն ընդծեց փորձի փոխանակումը, ճանաչողությունը և ընկերակցության ստեղծումը:

«Եթե երկու հարյուր լրագրողներից ամեն մեկը թեկուզ մեկ հոդված տպագրի Արցախի մասին, տարվա ընթացքում երկու հարյուր հոդված կունենանք, սա շատ կարևոր բան է», – շեշտեց Հրանուշ Հակոբյանը:

Դիդիեր Փարաքյանը, իր հերթին, նշեց, որ իր այցն ունի բազմաթիվ նպատակներ, որոնցից մեկը նա արդեն իրականացրել է` իր որդին` Սևանը, կնքվել է Սեևանի ափին: Անցնելով այցի պաշտոնական մասին, նա տեղեկացրեց.

«Մենք մեզ հետ բերել ենք մոտ քսան ֆրանսիացի գործարարների, որոնք ցանկանում են ներդրումներ անել Հայաստանում: Երեկ տեղի է ունեցել ֆրանսիացի և հայ գործարարների հանդիպումը, և նրանք արդեն որոշ պայմանավորվածություններ են ձեռք բերել», – տեղեկացրեց Փարաքյանը:

2010թ. դրությամբ Ֆրանսիան, ըստ Հայ-ֆրանսիական առևտրաարդյունաբերական պալատի փոխնախագահի, «ապրանքաշրջանառության առումով հինգերրորդն է Հայաստանի գործընկերների ցանկում»:

Tekali Taxi