Գլխավոր / Армения / ՀՀԿ-ականն առաջարկում է չխոսել ընտրակեղծիքներից մինչև ընտրությունները

ՀՀԿ-ականն առաջարկում է չխոսել ընտրակեղծիքներից մինչև ընտրությունները

Ամենակարևորն է ունենալ նորմալ ընտրություններ, որպեսզի բնակչությունը վստահ լինի, որ ընտրություններն անցան ազատ, արդար և թափանցիկ: Նման հայտարարությամբ մամուլի ասուլիսի ընթացքում հանդես եկավ ՀԱԿ ներկայացուցիչ Վլադիմիր Կարապետյանը:

«Չեն բարձրանում աշխատավարձերը, սոցիալական վիճակը վատթարանում է, Հայաստանի մեկուսացումը շարունակվում է և այս դեպքում 10-15 տոկոսը, որ պետք է իշխող կուսակցությունը հավաքի` օգտագործելով ամբողջապես իշխանապես ռեսուրսները, միայն դա է», – ասաց Կարապետյանը:

ՀՀԿ անդամ Հովհաննես Սահակյանն, իր հերթին, կոչ արեց բոլոր ուժերին «ընտրությունները չսկսած, չսկսենք փնովել»:

«Պետք է հասարակության մեջ ձևավորենք վստահության մթնոլորտ և օր առաջ պաստառներով և դրոշակներով փողոցներ դուրս չգանք և ասենք, որ տեղի են ունենալու ընտրակեղծիքներ», – ասաց Սահակյանը:

Նշելով, որ ՀԱԿ-ը միայն հանրահավաքներով չի տեղեկացնում իր անելիքների մասին և մշտապես հանդես է գալիս իր մոտեցումներով` Կարապետյանը հայտարարեց. «Մեր աշխատանքը ամենօրյա ռիթմով է իրականացվում և ոչ միայն հանրահավաքի»:

Անդրադառնալով ընտրական օրենսգրքին` ՀԱԿ ներկայացուցիչն ընդգծեց, որ իշխանությունների կողմից քաղաքական կամք կդրսևորվի և բնակչության համար տեսանելի կլինի այն դեպքում, «երբ որևէ մեկի մոտ աշխարհում և հատկապես Հայաստանում կասկած չլինի, որ Հայաստանում կան քաղբանտարկյալներ»:

Ըստ Վլադիմիր Կարապետյանի` եթե ՀԱԿ-ի ներկայացրած և այլ «տրամաբանական» առաջարկները չընդունվեն, դա կլինի վառ ապացույց այն բանի, որ որոշում է կայացվել չգնալ ազատ ընտրությունների:

Tekali Taxi