Գլխավոր / Армения / Հայաստանը Վրաստանից հետ է, բայց երկուսն էլ «հիբրիդային ռեժիմի» զոհ են

Հայաստանը Վրաստանից հետ է, բայց երկուսն էլ «հիբրիդային ռեժիմի» զոհ են

Բրիտանական Economist Intelligence Unit (EIU) պարբերականում հրապարակված «Ժողովրդավարության ցուցիչ-2010» վարկանշային աղյուսակի տվյալների համաձայն` Հայաստանը 109-րդ տեղն է զբաղեցրել` 26 տեղ առաջ անցնելով Ադրբեջանից և 6 տեղ զիջելով Վրաստանին:

Համաձայն հրապարակված տվյալների` Հայաստանը մտնում է այն 33 երկրների մեջ, որոնք տեղ են գտել «հիբրիդային ռեժիմ» կատեգորիայում: Սրանք այն երկրներն են, որտեղ ժողովրդավարության որոշ տարրեր երևում են, բայց գործում է նաև ավտորիտար համակարգ:

Հետազոտությանը մասնակցած 167 երկրներ բաժանվել են 4 կատեգորիայի` լիակատար ժողովրդավարական, խնդրահարույց ժողովրդավարական. հիբրիդային ռեժիմով և ավտորիտար համակարգով առաջնորդվող երկրներ:

EIU-ի հետազոտությունների համաձայն` աշխարհում լիակատար ժողովրդավարական է 26 երկիր: Առաջին 5 տեղերում են համապատասխանաբար` Նորվեգիան, Իսլանդիան, Դանիան, Շվեդիան, Նոր Զելանդիան:

Դրանց հաջորդում են Ավստրալիան, Ֆինլանդիան, Շվեյցարիան, Կանադան, Նիդերլանդները, Լյուքսեմբուրգը, Իռլանդիան, Ավստրիան, Գերմանիան, Մալթան, Չեխիան, ԱՄՆ-ն, Իսպանիան, Մեծ Բրիտանիան, Հարավայաին Կորեան, Ուրուգվայը, Ճապոնիան, Բելգիան, Մավրիտանիան, Կոստա-Ռիկան և Պորտուգալիան: Ինչպես նշում է պարբերականը, ժողովրդավարության հարցում առաջատար երկրների բնակչությունը կազմում է ողջ երկրագնդի բնակչության 12%-ը:

Ռուսաստանը նույնպես գտնվում է «հիբրիդային ժողովրդավարության» կատեգորիայում` գրավելով վարկանշային աղյուսակի 107-րդ տեղը: Ադրբեջանը 135-րդ տեղով Չինաստանի հարևանությամբ է գտնվում:

Իսկ Իտալիայում, ֆրանսիայում, Էստոնիայում, Լիտվայում, Լատվիայում, Մոլդովայում, Ուկրաինայում, հետազոտությունների համաձայն, «խնդրահարույց ժողովրդավարություն է»: Աղյուսակը եզրափակում են Քաթարը, Եգիպտոսը, Զիմբաբվեն, Տաջիկստանը, Աֆղանստանը, Իրանը, Սաուդյան Արաբիան, Ուզբեկստանը, Թուրքմենստանը, Հյուսիսային Կորեան, որը զբաղեցրել է 167-րդ վերջին «պատվավոր» հորիզոնականը:

Tekali Taxi