Home / Հայաստան / Շոգ և կոստյումներ. Երկխոսության երրորդ փուլն ավարտվեց (ՖՈՏՈՇԱՐՔ)

Շոգ և կոստյումներ. Երկխոսության երրորդ փուլն ավարտվեց (ՖՈՏՈՇԱՐՔ)

Այսօր Կառավարության ընդունելությունների տանը կայացավ ընդդիմության և իշխանության պատվիրակությունների երրորդ հանդիպումը:

Իշխանության ներկայացուցիչները բավական շուտ էին ժամանել հանդիպման վայր, Հայ Ազգային Կոնգրեսի հնգյակը ժամանեց մի քանի րոպե ուշացմամբ, կոալիցիայի ներկայացուցիչները արդեն տեղավորվել էին դահլիճում և սպասում էին ընդդիմադիրներին:

Չնայած սարսափելի շոգ եղանակին, կողմերի պատվիրակները ժամանել էին կոստյումներով, և միայն Նաիրա Զոհրաբյանը որպես միակ կին ներկայացուցիչ շահեկան վիճակում էր` կրելով շրջազգեստ:

Նշենք, որ բանակցությունների սենյակում նույնպես բավական շոգ էր, քանի որ այնտեղ չկար օդափոխիչ համակարգ, և միայն զրույցի ընթացքում մեկ հովացուցիչ սարք բերվեց սենյակ: Բանակցողները հանդիպումից հետո նշում էին, որ ընթացքում նույնիսկ հանել են իրենց պիջակները:

Երրորդ ռաունդի ավարտից հետո առաջինը սենյակից դուրս եկան իշխանության պատվիրակները:

Ընդդիմության ներկայացուցիչները լրագրողներին ներկայացան 4 հոգով. բացակայում էր Դավիթ Շահնազարյանը:

Ֆելիքս Խաչատրյանը Epress.am-ին տեղեկացրեց, որ «Շահնազարյանը շատ էր շոգում» և արագ դուրս եկավ այլ մուտքից:

Սկզբում լրագրողների հետ շփվեց Դավիթ Հարությունյանը, ապա Լևոն Զուրաբյանը:

Երբ ընդդիմության պատվիրակության ղեկավարը պատասխանում էր լրագրողների հարցերին, իշխանական կոալիցիայի և ՀԱԿ-ի ներկայացուցիչները միջանցքում զրուցում էին միամյանց հետ:

Դավիթ Հարությունյան (ՀՀԿ, պատվիրակության ղեկավար)

Վարդան Բոստանջյան (ԲՀԿ)

Մհեր Շահգելդյան (ՕԵԿ) և Գագիկ Մինասյան (ՀՀԿ)

Նաիրա Զոհրաբյան (ԲՀԿ)

Դավիթ Հարությունյան

Լևոն Զուրաբյան (ՀԱԿ, պատվիրակության ղեկավար)

Սամվել Աբրահամյան (ՀԱԿ), Վահագն Խաչատրյան (ՀԱԿ)

Վարդան Բոստանջյան, Վահագն Խաչատրյան, Ֆելիքս Խաչատրյան

Լևոն Զուրաբյան

Tekali Taxi